فرانسيادا ويىن الاڭىندا بالالاردى پىشاقتاپ تاستاعان بوسقىن قاماۋعا الىندى

ونىڭ شۆەتسيا تۇرعىنى - 31 جاستاعى سيريالىق بوسقىن ەكەنى انىقتالدى.

اتى- ءجونى جاريالانعان جوق. بەلگىلىسى - ايەلى مەن ءۇش جاسار قىزى بار.

قايعىلى وقيعا جۇما كۇنى تاڭەرتەڭ كول جاعاسىنداعى بالالار الاڭىندا بولدى. شابۋىلدىڭ سەبەبى بەلگىسىز.

«انسي پروكۋراتۋراسى «كىسى ولتىرۋگە وقتالۋ» جانە «قارۋلى شابۋىل» فاكتىلەرى بويىنشا سوت تەرگەۋىن باستادى. ءىستى جۇرگىزۋگە انسيدىڭ ەكى تەرگەۋ سۋدياسى تارتىلدى. كۇدىكتىنى سوتقا دەيىنگى قاماۋعا الۋ تۋرالى ءوتىنىش ءبىلدىردى. بۇگىن تاڭەرتەڭ ول ايىپ تاققان تەرگەۋ سۋديالارىنا جىبەرىلدى. ايىپتالۋشى ولارمەن سويلەسۋدەن باس تارتتى»، - دەيدى انسي پروكۋرورى لين بوننە- ماتيس.

پروكۋروردىڭ ايتۋىنشا، زارداپ شەككەندەردىڭ ومىرىنە تونگەن قاۋىپ جوق، ولاردىڭ اراسىندا فرانسيا، ۇلى بريتانيا، نيدەرلاند جانە پورتۋگاليا ازاماتتارى دا بار.

فرانسيا پرەزيدەنتى ماكرون جۇبايىمەن بىرگە انسيگە جانە گرەنوبلدەگى جارالىلار جاتقان اۋرۋحاناعا باردى.

ول سونداي- اق قاسكۇنەمگە قارسىلىق كورسەتىپ، كەدەرگى جاساعان انري ەسىمدى جاس جىگىتپەن كەزدەستى.

بۇعان دەيىن فرانسيا ساياباعىندا التى ادام پىشاق جاراقاتىنان زارداپ شەككەنىن حابارلاعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى