سەمەي وبلىسىنداعى ءورتتىڭ ءتۇتىنى جەتىسۋعا جەتتى
«قۇرمەتتى جەتىسۋ وبلىسىنىڭ تۇرعىندارى مەن قوناقتارى! اباي وبلىسىنىڭ اۋماعىنداعى ءىرى ورمان ءورتىنىڭ سالدارىنان جەل باعىتىنىڭ وزگەرۋى ناتيجەسىندە جەتىسۋ وبلىسىنىڭ بىرنەشە اۋداندارىنىڭ اۋماعى قالىڭ تۇتىنمەن جابىلدى. وسىعان بايلانىستى سابىرلى بولۋلارىڭىزدى جانە ماسكا كيۋلەرىڭىزدى سۇرايمىز»، - دەپ جازىلعان حابارلامادا.
توتەنشە جاعدايلار دەپارتامەنتى تىنىس الۋ ورگاندارىنىڭ اۋرۋى بار ادامدارعا جانە قارت ادامدارعا ۇيدەن شىقپاۋعا كەڭەس بەردى.
بۇعان دەيىن ورمان اعاشتارىن تۇتاندىرۋ ءۇشىن دايىندالعان تامىزىقتار تۋرالى ينتەرنەت جەلىسىندە تاراعان ۆيدەوعا اباي وبلىسىنىڭ اكىمدىگى تۇسىنىك بەرگەنى تۋرالى جازعان ەدىك.
سونىمەن قاتار اكىمدىك اباي وبلىسىنداعى ورتتەن زارداپ شەككەندەرگە كومەك كورسەتۋ ءۇشىن قايىرىمدىلىق قورى اشىلعانىن حابارلادى.
ورتكە بايلانىستى اباي وبلىسىنداعى بۇلاق اۋىلىنان 80-گە جۋىق ادام كوشىرىلدى.
سەمەي ورمانىنداعى الاپات ورتكە بايلانىستى بۇگىن ەلىمىزدە جالپىۇلتتىق ازا تۇتۋ كۇنى جاريالاندى.
