سەمەيدەگى ورمان ءورتى نەگىزىنەن تۇندە سوندىرىلۋدە - جەدەل شتاب

ءتىلسىز جاۋمەن كۇرەس جۇمىستارى نەگىزىنەن تۇنگى ۋاقىتتا ءجۇرىپ جاتىر. بۇل تۋرالى وڭىردە قۇرىلعان جەدەل شتابتىڭ جەتەكشىسى دميتري گاريكوۆ ءمالىم ەتتى، دەپ حابارلايدى قازاقپارات ءتىلشىسى

«جەلدىڭ كوتەرىلۋىنەن جاعداي قيىنداپ بارادى. قازىر ءورت تاۆريا اۋىلىنداعى كاشتاك ورمانشىلىعىنا قاراي بەت الدى. تەحنيكانىڭ %65 ى سوندا جۇمىلدىرىلدى. ال ۋسپەن ورمانشىلىعىندا شاعىن ءورت وشاقتارى شىعىپ جاتىر. ورتپەن كۇرەس نەگىزىنەن تۇندە جۇرگىزىلىپ جاتىر. سونىمەن قاتار جەرنوۆكا اۋىلىندا احۋال ءورشىپ تۇر، سەبەبى تەحنيكانى اۋىل اۋماعىنا كىرگىزۋدە كەدەرگى بار»، - دەدى دميتري گاريكوۆ.

ونىڭ ايتۋىنشا، ءورت سوندىرۋشىلەردىڭ قازىرگى مىندەتى - جالىندى ەلدىمەكەندەر اۋماعىنا جىبەرمەۋ.

«تۇرعىندار ازىرگە ۇيلەرىندە، ولار حاباردار. تاۆريا ەلدىمەكەنى قاۋىپتى ايماق رەتىندە قالىپ وتىر، ويتكەنى جەل سوندا باعىت الۋدا. قازىر وبلىس جانە قالا اكىمى كاشتاك ورمانشىلىعىندا»، - دەيدى ول.

سونىمەن قاتار جەدەل شتاب باسشىسى ءتىلسىز جاۋدىڭ سالدارىنان بەستاپايەۆ جانە ۋسپەن ورمانشىلىعىنىڭ ءىرى كولەمدە زارداپ كەلگەنىن ايتتى.

«مۇنداي ءىرى كولەمدە ءورت كورگەن ەمەسپىن، العاشقى ورتتەن كەيىن ءبىز ءوزىمىزدى سەنىمدىرەك ۇستاۋدامىز. ايتپاقشى، ازىق- تۇلىك جەتپەي جاتىر دەگەن جالعان اقپارات. تۇرعىندارعا، ۆولونتەرلەر مەن جاناشىر جاندارعا العىس ايتامىز. جۇمىس جالعاسىپ جاتىر»، - دەيدى د. گاريكوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى