رۋسلان جاقسىلىقوۆ قازاقستان اسكەرى ۇ ق ش ۇ اياسىندا رەسەي مەن ۋكراينا شەكاراسىنا بارمايتىنىن ءمالىم ەتتى
بۇگىن ماجىلىستە تىلشىلەر مينيسترگە الەۋمەتتىك جەلىلەردە تاراپ جاتقان قاۋەسەتكە قاتىستى سۇراق قويدى.
«قازاقستان ساربازدارىن ۇ ق ش ۇ اياسىندا ۋكراينا مەن رەسەي شەكاراسىنا جىبەرىلۋى مۇمكىن دەگەن اقپارات تاراپ جاتىر. بۇل قانشالىقتى شىندىققا جاناسادى؟»، - دەپ سۇرادى جۋرناليستەر.
«قورعانىس ءمينيسترى رەتىندە قازاقستان رەسپۋبليكاسىنىڭ قارۋلى كۇشتەرى ەلىمىزدىڭ اۋماعىندا تۇرعانىنان تولىق سەنىممەن جاريالايمىن. ءبىز بىتىمگەرشىلىك ميسسيالارىن تەك بىرىككەن ۇلتتار ۇيىمى باعىتىندا عانا ىسكە اسىرامىز. ۇجىمدىق قاۋىپسىزدىك تۋرالى شارت ۇيىمى ەلدەرى اۋماعىنا اسكەر جىبەرمەيمىز جانە مۇنداي جوسپار جوق. ءبىز ەشقايدا بارمايمىز»، - دەدى ر. جاقسىلىقوۆ.
اۆتور:
رۋسلان عابباسوۆ
