ناتاليا گودۋنوۆا ۇلتتىق جوبالاردىڭ تيىمدىلىگىنە كۇمان كەلتىردى
«ءبىز بيۋدجەت شىعىستارىن قويىلعان ستراتەگيالىق ماقساتتارعا بايلانىستىرۋدى سول كۇيى ۇيرەنە الماي قويدىق. سالدارىنان – جالپى ۇلتتىق مىندەتتەرگە قول جەتكىزۋگە ەشقانداي اسەر ەتپەيتىن ءىس- شارالارعا قوماقتى رەسۋرستاردى جۇمسادىق. ۇلتتىق جوبالاردى ازىرلەيمىز، الايدا ىسكە اسىرىلعان ەكىنشى جىلىندا ولاردىڭ كۇشىن جويامىز. بارلىعى ورىندالىپ جاتقان سياقتى كورىنەدى، ءبىراق بەرەتىن اسەرى كۇماندى. ءبىر جاقتان مىڭداعان جۇمىس ورنى قۇرىلىپ جاتسا، ەكىنشى جاعىنان ەڭبەك مينيسترلىگى جۇمىسسىزداردىڭ سانى وسەدى دەگەن بولجام ايتىپ وتىر. الىناتىن ەكونوميكالىق اسەر سوڭىنا قالدىرىلعان. جوبالىق قۋاتتى كەڭەيتۋ جانە وعان شىعۋ ءۇش-بەس جىلدان كەيىن جوسپارلانعان. ال مۇنى ەشكىم باقىلامايدى»، - دەدى ناتاليا گودۋنوۆا.
ونىڭ اتاپ وتۋىنشە، كوپتەگەن جوبا ىسكە اسىرىلىپ بولعاننان كەيىن بىردەن مونيتورينگتەن الىنىپ تاستالادى.
اسەردى باعالاۋدىڭ جەكەلەگەن ارەكەتتەرى بار، ءبىراق بۇل ەرەجەدەن گورى ايرىقشا جاعداي.
«مەملەكەتتىك ورگانداردىڭ جۇمىسىن باعالاۋ دا وڭاي شارۋا ەمەس. 2022 -جىلعى نىسانالى ينديكاتورلاردىڭ 37 پايىزىنىڭ ستاتيستيكالىق دەرەكتەرى ءالى جاسالماعان. ال قولدا بارىنا قاراپ، ناتيجەسىن تۇتاس ايتۋ مۇمكىن ەمەس. ەگەر كورسەتكىشتەر ورىندالۋ شاماسىنا قاراپ تۇزەتىلسە، ال قارجىلاندىرۋ كولەمىنىڭ وزگەرۋى كوبىنە ولاردىڭ مانىنە اسەر ەتپەسە، مالىمدەلگەن جەتىستىكتەرمەن قالاي كەلىسۋگە بولادى. مينيسترلىكتەر مەن ۆەدومستۆولاردىڭ دۇرىس ەمەس بولجامدارىنىڭ اۋقىمى ەمەس، ولاردىڭ ادەمى ەسەپتەرى مەن دۇرىس ەمەس ستاتيستيكاسىنىڭ ارتىندا جاسىرىلعانى الاڭداتادى. ال ۇكىمەت سولاردىڭ نەگىزىندە باسقارۋشىلىق شەشىمدەر قابىلدايدى»، - دەدى پالاتا ءتوراعاسى.
