ءاليحان سمايىلوۆ حالىقارالىق ۆاليۋتا قورى قازاقستانداعى ميسسياسىنىڭ باسشىسىمەن كەزدەستى
تاراپتار اعىمداعى احۋالدى جانە ەل ەكونوميكاسىنىڭ ناقتى، بيۋدجەتتىك، قارجى سەكتورلارىن دامىتۋ جونىندەگى شارالاردى، قازاقستاننىڭ ورتا مەرزىمدى كەزەڭگە ارنالعان ەكونوميكالىق ساياساتىنىڭ باسىمدىقتارىن، مەملەكەت باسشىسى جاريالاعان قۇرىلىمدىق رەفورمالاردى جۇرگىزۋدى، سونداي- اق كليماتتىڭ وزگەرۋىنەن بولاتىن زارداپتاردى جويۋعا باعىتتالعان شارالاردى ەگجەي- تەگجەيلى تالقىلادى.
پرەمەر- مينيستر قازاقستان مەن قور اراسىندا كەڭ اۋقىمدى ەكونوميكالىق ماسەلەلەردى قوزعايتىن تىعىز بايلانىستار ورناتىلعانىن اتاپ ءوتتى.
اتاپ ايتقاندا، رەسپۋبليكانىڭ قارجى سەكتورىن كەشەندى باعالاۋ قارقىندى ءجۇرىپ جاتىر، جاقىن ارادا الماتى قالاسىندا كاۆكاز، ورتالىق ازيا ەلدەرى جانە موڭعوليا ءۇشىن الەۋەتتى دامىتۋ جونىندەگى حۆق وڭىرلىك ورتالىعىن اشۋ جوسپارلانىپ وتىر.
«قازاقستان مەن ح ۆ ق اراسىنداعى ىنتىماقتاستىقتى جاڭا ساپالى دەڭگەيگە شىعارۋعا بولاتىنىنا سەنىمدىمىن»، - دەدى ءاليحان سمايىلوۆ.
پرەمەر- ءمينيستردىڭ ايتۋىنشا، سىرتقى سىن- قاتەرلەرگە قاراماستان، قازاقستان ەكونوميكاسى وڭ ءوسۋ قارقىنىن ساقتاپ وتىر، اتاپ ايتقاندا قاڭتار- ءساۋىر ايلارىندا ءوسىم % 5- دى قۇرادى. وتكەن جىلدىڭ قورىتىندىسى بويىنشا رەسپۋبليكاعا سوڭعى 10 جىلدا $28 ميلليارد دەڭگەيىندە تىكەلەي شەتەلدىك ينۆەستيتسيالاردىڭ رەكوردتىق كولەمى تارتىلدى.
سونىمەن قاتار ۇكىمەت ۇلتتىق ەكونوميكانى ودان ءارى دامىتۋ بويىنشا جۇيەلى جۇمىستى جالعاستىرىپ كەلەدى.
ماسەلەن، بيىل فيسكالدىق ساياساتتى جاقسارتۋ ماقساتىندا جاڭا سالىق جانە بيۋدجەت كودەكستەرى ازىرلەندى.
ولار مۇنايعا قاتىستى ەمەس تاپشىلىقتى ج ءى و- ءنىڭ % 5- نا دەيىن تومەندەتۋگە ىقپال ەتەتىن بولادى.
«شارالار كەشەنىن ىسكە اسىرۋ ەسەبىنەن 2030 -جىلعا قاراي ۇلتتىق قوردىڭ ۆاليۋتالىق اكتيۆتەرىن $100 ميلليارد قا دەيىن ارتتىرۋ جوسپارلانىپ وتىر» ، — دەدى ءاليحان سمايىلوۆ.
سونىمەن قاتار ۇكىمەت باسشىسى قازاقستان بالامالى ەنەرگيا كوزدەرىنە كەزەڭ- كەزەڭمەن كوشىپ، ەكونوميكانىڭ ەنەرگەتيكالىق تيىمدىلىگىن ارتتىرىپ جاتقانىن ايتتى.
ءوز تاراپىنان نيكوليا بلانشە قازاقستان ەكونوميكالىق ساياساتتى، ونىڭ ىشىندە بيۋدجەت جانە قارجى سەكتورلارىن نىعايتۋدا ەلەۋلى جەتىستىكتەرگە جەتكەنىن اتاپ ءوتتى.
«بيىل ەكونوميكالىق بەلسەندىلىك وتە جوعارى. ءبىز ينفلياتسيانىڭ تومەندەپ جاتقانىن بايقادىق جانە ونى بىرتىندەپ باقىلاۋعا الۋ ءۇشىن ۇكىمەت پەن ۇلتتىق بانك قابىلداعان تۇبەگەيلى شارالاردى اتاپ وتكىمىز كەلەدى. سوڭعى ءۇش جىلدا قازاقستان كوپتەگەن سىلكىنىستەردى باستان وتكەردى، سوعان قاراماستان قيىندىقتارعا توتەپ بەرە العانىن كورىپ وتىرمىز» ، — دەدى نيكوليا بلانشە.
ول حالىقارالىق ۆاليۋتا قورى دامۋ رەفورمالارىن ىسكە اسىرۋدا قازاقستاندى ودان ءارى قولداۋدى جوسپارلاپ وتىرعانىن ايتتى.
«ءبىز قازاقستانمەن قاتار بۇكىل وڭىرگە قولداۋ كورسەتە الاتىن وسىنداعى الەۋەتتى دامىتۋ ورتالىعىنىڭ جۇمىسىن جانداندىرا وتىرىپ، ءتۇرلى جولدار مەن فورماتتار ارقىلى سىزدەردىڭ ەلدەرىڭىزبەن ستراتەگيالىق ارىپتەستىكتى دامىتۋعا دايىنبىز» ، — دەدى نيكوليا بلانشە.
