كليماتى قاتال شەكارا ماڭىنداعى اۋىلداردا ەلەكتر ەنەرگياسىنا تومەندەتىلگەن تاريف بەلگىلەنەدى
بۇل تۋرالى ۇلتتىق ەكونوميكا مينيسترلىگى اشىق تالقىعا شىعارعان اۋىلداردى دامىتۋدىڭ 2023-2027 -جىلدارعا ارنالعان تۇجىرىمداماسىندا جازىلعان، دەپ حابارلايدى قازاقپارات ءتىلشىسى.
«شەكارا ماڭىنداعى اۋىلداردا تۇرعىن ءۇي- كوممۋنالدىق ينفراقۇرىلىمدى دامىتۋ جونىندە شارالار قابىلداناتىن بولادى. اتاپ ايتقاندا، سۋمەن، ەلەكترمەن، جىلۋمەن جانە گازبەن جابدىقتاۋ جەلىلەرىن سالۋ جانە رەكونسترۋكتسيالاۋ جونىندەگى جۇمىس جالعاستىرىلاتىن بولادى. بۇل رەتتە تابيعي- كليماتتىق جاعدايلارى كۇردەلى شەكارا ماڭىنداعى ەلدى مەكەندەر ءۇشىن ەلەكتر ەنەرگياسىنا تومەندەتىلگەن تاريف بەلگىلەنەدى»، - دەپ جازىلعان اشىق ن ق ا پورتالىندا جاريالانعان تۇجىرىمدامادا.
بۇعان دەيىن حابارلاعانىمىزداي، تۇجىرىمداماعا ساي، شەكارا ماڭىنداعى كليماتى قاتال اۋىل تۇرعىندارىنىڭ 1 جىلدىق ەڭبەك ءوتىلى 1,5 جىل بولىپ ەسەپتەلمەك.
