الماتىنىڭ سەيفۋللين داڭعىلىندا جول جوندەۋ جۇمىستارى باستالدى
الماتى قالالىق موبيلدىلىك باسقارماسىنىڭ مالىمەتىنشە، سەيفۋللين داڭعىلى بويىمەن رىسقۇلوۆ داڭعىلىنان الماتى-1 تەمىرجول ۆوكزالىنا دەيىن ۇزىندىعى 5,6 ك م جول جابىنىن ورتاشا جوندەۋ جۇمىستارى باستالدى، تروۋارلاردىڭ جەكە بولىكتەرى كولىك قوزعالىسىن شەكتەمەي جوندەلۋدە.
«سەيفۋللين داڭعىلىنىڭ الدىڭعى ورتاشا جوندەۋى 2010 -جىلى جۇرگىزىلگەن. الماتىنىڭ جول- كليماتتىق ايماعىن ەسكەرە وتىرىپ، سەيفۋللين داڭعىلىن جوندەۋ ارالىعى 5 جىل. وسىعان بايلانىستى ءتيىستى ليتسەنزياسى بار جوبالاۋ ۇيىمىنىڭ وكىلدەرىمەن تەكسەرۋ جۇرگىزىلدى. زەرتتەۋ بارىسىندا شۇڭقىرلار مەن جارىقتار انىقتالدى. تەحنيكالىق قورىتىندى نەگىزىندە سەيفۋللين داڭعىلىن ورتاشا جوندەۋ جوسپارىنا قوسۋ تۋرالى شەشىم قابىلداندى»، - دەپ حابارلادى باسقارمادان.
ۆەدومستۆو وكىلدەرى كەلتىرىلگەن قولايسىزدىق ءۇشىن الماتىلىقتاردان كەشىرىم سۇرايدى.
سونىمەن قاتار، جۇرگىزۋشىلەرگە جول ءجۇرۋ باعىتىن الدىن الا جوسپارلاۋعا كەڭەس بەردى.
