دجيەۆدەت يىلماز تۇركيانىڭ ۆيتسە- پرەزيدەنتى قىزمەتىنە كىرىستى
فۋات وكتاي 159 كۇن بويى ۆيتسە- پرەزيدەنت رەتىندە اتقارعان جۇمىسىن دجيەۆدەت يىلمازدىڭ ءساتتى جالعاستىراتىنىنا سەنىم ءبىلدىردى، دەپ حابارلايدى قازاقپارات انادولى اگەنتتىگىنە سىلتەمە جاساپ.
«تۇركيانىڭ ۆيتسە- پرەزيدەنتى رەتىندە مەن مەملەكەتتىك قۇرىلىمداردىڭ مەملەكەتتىك بيۋدجەت ماسەلەسىندەگى جۇمىسىن ۇيلەستىردىم، مەملەكەتارالىق، ونىڭ ىشىندە تۇركى تىلدەس مەملەكەتتەرمەن كەلىسىمدەردىڭ جۇزەگە اسىرىلۋىن قاداعالادىم، سولتۇستىك كيپر تۇرىك رەسپۋبليكاسىنىڭ بيلىگىمەن تىعىز بايلانىستا بولدىم. بۇل جولدى دجيەۆدەت يىلماز جالعاستىراتىنىنا سەنىمدىمىن»، - دەدى وكتاي.
ول مامىر ايىنداعى سايلاۋ قورىتىندىسىنا جوعارى باعا بەردى، سونداي- اق پرەزيدەنت رەجەپ تايپ ەردوعانعا ەل ۇكىمەتىندە جۇمىس ىستەۋ مۇمكىندىگىن بەرگەنى ءۇشىن العىسىن ءبىلدىردى. دجيەۆدەت يىلماز تۇركيانىڭ ودان ءارى گۇلدەنۋىنە ۇلەس قوساتىنىن اتاپ ءوتتى.
«مەن ءۇشىن دوسىم فۋات وكتايدىڭ قولىنان تۇرىك حالقىنا قىزمەت ەتۋ مارتەبەسىن الۋ ۇلكەن ماقتانىش»، - دەپ سەندىردى جاڭا ۆيتسە- پرەزيدەنت.
