قىرعىز- قازاق شەكاراسىنداعى كولىك كەپتەلىسىنە تۇسىنىك بەرىلدى
بۇل تۋرالى قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى شەكارا قىزمەتىنىڭ اقپارات جانە كوممۋنيكاتسيالار دەپارتامەنتىنەن ءمالىم ەتتى، دەپ حابارلايدى قازاقپارات 24.kg-عا سىلتەمە جاساپ.
«5-ماۋسىمدا «اق تىلەك - اۆتودوروجنىي» باقىلاۋ- وتكىزۋ بەكەتىنىڭ الدىندا كولىك قۇرالدارىنىڭ كەپتەلىسى بايقالدى. بۇل قىرعىزستاننان باسقا ەلدەرگە اۋىل شارۋاشىلىعى ونىمدەرىنىڭ ەكسپورتىنىڭ ماۋسىمدىق وسۋىمەن بايلانىستى. ۇلتتىق قاۋىپسىزدىك مەملەكەتتىك كوميتەتى تاراپىنان جۇك تاسىمالداۋشىلارعا شەكارالىق باقىلاۋدان وتۋگە ەشقانداي شەكتەۋلەر جوق»، - دەلىنگەن ۆەدومستۆو حابارلاماسىندا.
باسقا باقىلاۋ بەكەتتەرىندە ادامدار مەن كولىكتەردىڭ شوعىرلانۋى بولماعانى اتاپ ءوتىلدى.
