قازاقستان حالقىنىڭ سانى تۋرالى مالىمەت جاڭاردى

ۆەدومستۆو مالىمەتىنشە، 2023-جىلعى 1- مامىرداعى جاعداي بويىنشا ەلدەگى حالىق سانى 19 ميلليون 854 مىڭ ادام، قالا حالقى - 12 ميلليون 276,3 مىڭ، اۋىل حالقى - 7 ميلليون 577,7 مىڭ ادام بولدى. 2021-جىلعى -1 ساۋىرمەن سالىستىرعاندا حالىق سانى 238,3 مىڭ ادامعا نەمەسە 1,3 پايىزعا وسكەن.

رەسمي مالىمەت بويىنشا، 2023-جىلدىڭ 1- قاڭتارىنداعى جاعداي بويىنشا قازاقستاندا 19 ميلليون 765 مىڭ 4 ادام بولعان. 2023-جىلدىڭ 1- مامىرىندا حالىق سانى 19 ميلليون 854 مىڭ 83 ادامعا جەتتى. التى ايدا حالىقتىڭ جالپى ءوسىمى 89 مىڭ 79 ادام بولدى.

الماتى قالاسى حالىق سانىنىڭ ەڭ كوپ ءوسىمىن كورسەتتى، وسى كەزەڭدە حالىق سانى 17 مىڭ 771 ادامعا ءوستى. ەكىنشى ورىندا استانا قالاسى تۇر، وندا حالىق ءوسىمى 16 مىڭ 802 ادامدى كورسەتتى. ودان كەيىنگى ورىندا تۇركىستان وبلىسى - 10 مىڭ 427 تۇرعىنعا ارتتى. بۇل رەتتە استانادا حالىق سانىنىڭ ءوسۋ قارقىنى ەڭ جوعارى - 1,24 پايىز بولىپ وتىر.

تەرىس دەموگرافيالىق كورسەتكىشتەر اقتوبە، قاراعاندى، قوستاناي، پاۆلودار، سولتۇستىك قازاقستان، اقمولا، شىعىس قازاقستان سونداي-اق اباي جانە جەتىسۋ وبلىستارىندا بايقالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى