نازاربايەۆقا ءتىل تيگىزگەنى ءۇشىن جازاعا تارتاتىن نورما كودەكستەن قاشان جويىلادى
«مۇنداي تۇزەتۋلەر قاراستىرىلعان. اكتيۆتەردى قايتارۋ تۋرالى زاڭ جوباسى اياسىنداعى ىلەسپە قۇجاتتا جاۋاپكەرشىلىكتى الىپ تاستايتىن نورما بار. بۇل قادامدار كونستيتۋتسيادا قابىلدانعان تۇزەتۋ اياسىندا ەسكەرىلگەن. كونستيتۋتسيادا ەلباسى جانە ونىڭ وكىلەتتىكتەرى تۋرالى كورسەتىلمەگەن، سوندىقتان بۇل باپتار قىلمىستىق كودەكستە قاجەت ەمەس. ويتكەنى، ەلباسى دەگەن مارتەبە قاراستىرىلماعان جانە قىلمىستىق جاۋاپكەرشىلىك ەندى بولمايدى ءارى قولدانىلمايدى»، - دەدى س. يماشيەۆا ماجىلىستە تىلشىلەردىڭ سۇراعىنا جاۋاپ بەرە وتىرىپ.
سونىمەن قاتار ول اتالعان نورما زاڭنامادا قاشان جويىلاتىنىن ايتتى.
«اكتيۆتەردى قايتارۋعا قاتىستى زاڭ جوبالارىنىڭ بارلىق پاكەتىن قابىلداعان كەزدە، بۇل نورمالار دا الىنىپ تاستالادى. وسى نورمالاردى ماجىلىستەگى ءبىزدىڭ كوميتەت قاراستىرىپ جاتىر. ءتىل تيگىزگەنى ءۇشىن قاراستىرىلعان جاۋاپكەرشىلىك نورماسى جويىلادى»، - دەدى دەپۋتات.
جاقىندا پارلامەنت ءماجىلىسى زاڭسىز شىعارىلعان اكتيۆتەردى مەملەكەتكە قايتارۋ تۋرالى زاڭ جوباسى مەن بىرنەشە ىلەسپە قۇجاتتى تالقىلايدى.
بۇدان بۇرىن حابارلانعانداي، قىلمىستىق كودەكستەن نۇرسۇلتان نازاربايەۆقا ءتىل تيگىزگەنى ءۇشىن جازاعا تارتاتىن 373 جانە 374-باپتار الىنىپ تاستالادى.
