ۇجىمدىق قاۋىپسىزدىك شارت ۇيىمى قۇجاتىندا «ۇيلەستىرۋشى مەملەكەت» ۇعىمى پايدا بولادى
بۇل تۋرالى قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى ولجاس قۇسايىنوۆ Jibek Joly تەلەارناسىنىڭ موبيلدى ستۋدياسىنداعى سۇحبات بارىسىندا مالىمدەدى، دەپ حابارلايدى قازاقپارات ءتىلشىسى.
«كەلىسىم بەلگىلى ءبىر ماسەلەلەردى رەتتەۋگە باعىتتالعان، وسىلايشا ءبىز ۇيىم اياسىندا ءوزارا ارەكەتتەسۋدى جەڭىلدەتەمىز. ۇجىمدىق قاۋىپسىزدىكتى قامتاماسىز ەتۋ ءۇشىن الداعى بىرلەسكەن مىندەتتەردى ورىنداۋ وڭايعا تۇسەدى. بىتىمگەرشىلىككە كەلەتىن بولساق، بۇل جولعى كەلىسىمدەگى وزگەرىس حاتتاماعا «ۇيلەستىرۋشى مەملەكەت» دەگەن ۇعىم ەنگىزىلەدى. ونىڭ ءمانى ب ۇ ۇ- دا قارۋلى كونتينگەنتتەر ۇيىم رەتىندە قابىلدانبايدى، ولار ناقتى مەملەكەتتەن قابىلدانادى»، - دەدى ولجاس قۇسايىنوۆ سۇحبات بارىسىندا.
ونىڭ ايتۋىنشا، ب ۇ ۇ- نىڭ بىتىمگەرشىلىك ميسسيالارىنا قاتىسۋ ءۇشىن ۇجىمدىق قاۋىپسىزدىك تۋرالى شارت ۇيىمى ۇيلەستىرۋشى مەملەكەتتى ايقىنداۋى ءتيىس.
«ەگەر ۇجىمدىق قاۋىپسىزدىك شارت ۇيىمى (ۇ ق ش ۇ) بەلگىلى ءبىر بىتىمگەرشىلىك ميسسيالارعا قاتىسقىسى كەلسە، وندا ۇ ق ش ۇ- عا مۇشە بارلىق مەملەكەت اتىنان ب ۇ ۇ- مەن تىكەلەي ءوزارا ءىس- قيمىل جاسايتىن ءبىر عانا ۇيلەستىرۋشى مەملەكەتتى ايقىنداۋى ءتيىس. ۇيلەستىرۋشى مەملەكەتتى ۇجىمدىق قاۋىپسىزدىك كەڭەسى ايقىندايدى. بۇل اتالعان ۇيىمنىڭ ەڭ جوعارعى ورگانى، ياعني بۇل مەملەكەت باسشىلارى»، - دەپ ءتۇسىندىردى قورعانىس مينيسترلىگىنىڭ وكىلى.
ايتا كەتەيىك، بۇگىن ءماجىلىستىڭ جالپى وتىرىسىندا «2007 -جىلعى 6-قازانداعى ۇجىمدىق قاۋىپسىزدىك تۋرالى شارت ۇيىمىنىڭ بىتىمگەرشىلىك قىزمەتى تۋرالى كەلىسىمىنە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسى قارالدى.
