الاش كوسەمى ماعجان جۇمابايەۆ تۋرالى قۇندى قۇجات تابىلدى
ماماندار ونى جۋىردا عانا رەسەي مەملەكەتتىك ارحيۆىنە سۇراۋ سالىپ الدىرتقان جانە ول «تاريحتان تاعىلىم - وتكەنگە تاعزىم» حالىقارالىق جوباسى اياسىنداعى فورۋمدا كوپشىلىكتىڭ نازارىنا ۇسىنىلدى.
«ءبىر ايداي عانا ۋاقىت بولعان، رەسەي مەملەكەتتىك ارحيۆىنەن الىنعان قۇجات.
ول قۇجاتتا ماعجان جۇمابايەۆ، ءاليحان بوكەيحانوۆ ەكەۋى «سەنتر يزدات» دەپ ايتامىز، 1923-1927 -جىلدارى ماسكەۋدە بولعان كەزەڭىندە سول ادەبيەت جانە ونەر ينستيتۋتىندا وقىپ قانا قويماي، قىزمەتتە جۇرگىزگەن. سول قىزمەتتىڭ ءبىرى سەنتر يزداتتا اۋدارماشى رەتىندە قىزمەت جاساعان. لەنيننىڭ اقپاننان قازانعا دەيىن ەڭبەگىن اۋداردى. سونىمەن قاتار، ماكسيم گوركيدىڭ «بۋريەۆەستنيك» ولەڭىن اۋداردى. ۆسيەۆولود يۆانوۆتىڭ شىعارمالارىن اۋداردى. ياعني، اۋدارماشى رەتىندە قىزمەت جاساعانىن دالەلدەيتىن قۇجاتقا كۋا بولىپ وتىرمىز»، - دەدى سولتۇستىك قازاقستان وبلىسى مەملەكەتتىك ءارحيۆىنىڭ ديرەكتورى ساۋلە مالىكوۆا.
جىلدا ۇيىمداستىرىلاتىن شارا بۇل جولى ساياسي قۇعىن-سۇرگىن جانە اشارشىلىق قۇرباندارىن ەسكە الۋعا، سونداي-اق، ماعجان جۇمابايەۆتىڭ 130 جىلدىق مەرەيتويىنا ورايلاستىرىلدى. ەلىمىزدىڭ تۇكپىر-تۇكپىرىنەن كەلگەن تاريحشىلار مەن ساراپشىلار الدىمەن ماعجاننىڭ كىندىك قانى تامعان سارىتومار اۋىلىنا باردى. اقىن ەسكەرتكىشىنە گۇل شوقتارىن قويىپ، تاعزىم ەتتى. بۇدان سوڭ ونىڭ شىعارماشىلىعى مەن ءومىرى جايلى ءسوز قوزعاپ، ءالى دە ونىڭ زەرتتەلمەگەن دەرەكتەردىڭ كوپ ەكەندىگىن العا تارتتى.
«ءبىرىنشى كۇنى ماعجان جۇمابايەۆتىڭ كىشى وتانىنا بارىپ كەلدىك. گۇلشوقتارىن قويىپ، ونىڭ مۇراجايىن كوردىك جانە دە بۇگىن وسى ءبىزدىڭ تاريحشىلار، ساراپشىلارىمىز، قازاقستان حالقى اسسامبلەياسىنىڭ مۇشەلەرى، ءبىزدىڭ حالىقارارالىق ساراپشىلار ونلاين رەجيمىندە قوسىلىپ جاتىر»، - دەدى ق ر اقپارات جانە قوعامدىق دامۋ مينيسترلىگى جانىنداعى «قوعامدىق كەلىسىم» مەكەمەسىنىڭ ديرەكتورى ەلينا پاۋلي.
