قازاقستانعا ءىرى كولەمدە اپيىن مەن گاشيش وتكىزبەك بولعاندار شەكارادا قولعا ءتۇستى
سايتتاعى مالىمەتتەرگە قاراعاندا، جامبىل وبلىسىنىڭ «اۋقاتتى» وتكىزۋ پۋنكتىندە كولىگىنىڭ ارنايى ازىرلەنگەن قۇپيا جەرىنە جاسىرىپ 62,2 كەلى قاتتى اسەر ەتەتىن ەسىرتكى زاتتارىن (اپيىن - شامامەن 24 كەلى، گاشيش - 38,2 كەلى) قىرعىزستاننان قازاقستانعا وتكىزبەك بولعان شەتەل ازاماتى ۇستالدى.
سونىمەن قاتار، سولتۇستىك قازاقستان وبلىسىنىڭ «قاراقوعا» وتكىزۋ پۋنكتىندە قازاقستاننان رەسەيگە 62,4 كەلى كەپتىرىلگەن ماريحۋانانى وتكىزۋ ارەكەتى كەزىندە قازاقستان ازاماتى ۇستالدى.
ەسىرتكى ەۆاكۋاتورمەن تاسىمالدانىپ كەلە جاتقان كولىكتەن تابىلدى.
«اتالعان فاكتىلەر بويىنشا قۇزىرلى ورگاندار سوتقا دەيىنگى تەرگەۋلەردى باستادى»، - دەلىنگەن حابارلامادا.
