جول بويىندا «تاپانشامەن» جۇرگەن جۇرگىزۋشىلەر: الماتى پوليتسياسى تۇسىنىك بەردى
ۆيدەو اۆتورىنىڭ ايتۋىنشا، جانجالعا قاتىسۋشىلاردىڭ بىرىندە «تاپانشا» بولعان.
«ۇشەۋى دە ساۋ بولعان جوق، ولاردىڭ ءبىرى رۋلدە وتىردى. ءبىزدىڭ جولىمىزدى كەسىپ، توقتاتىپ الدى، ءسويتىپ جولداسىما جابىلدى. ءبىز بوستاندىق اۋداندىق پوليتسيا باسقارماسىنا ارىز جازدىق»، - دەپ جازىلعان پوستا.
الماتى قالالىق پوليتسيا دەپارتامەنتىنىڭ مالىمەتىنشە، وقيعا 8-مامىردا تۇنگى ساعات 02.30-دا بولعان.
«Toyota Alphard» ماركالى كولىكتى جول-پاترۋلدىك پوليتسيا قىزمەتكەرلەرى «ۇستاۋ» جوسپارى بويىنشا ۇستاعان.
«جول بويىندا ەكى كولىك جۇرگىزۋشىسىنىڭ اراسىندا جانجال تۋىنداعانى بەلگىلى بولدى. ولاردىڭ ءبىرى تاپانشا كورسەتكەن، ونىڭ ويىنشىق ەكەنى انىقتالدى. وقيعاعا قاتىسۋشىلاردىڭ ەكەۋى دە ارىز جازدى. ءتيىستى ساراپتامالار تاعايىندالدى، ناتيجەسى بويىنشا شەشىم قابىلداناتىن بولادى»، - دەپ حابارلادى پوليتسيادا.
View this post on Instagram
