قازاقستاندا جەر ساتىلادى: قىتاي سايتىنداعى بۇل حابارلاندىرۋ ارانداتۋشىلىق بولۋى مۇمكىن - سمادياروۆ
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«ءيا، بۇل جارنامانى ءبىز دە كوردىك. قىتاي تاراپىنا، بەيجىڭدەگى ەلشىمىز سول ەلدىڭ سىرتقى ىستەر مينيسترلىگىنە جەدەل جەتكىزدى. ءبىز دە قىتاي ەلشىلىگىنە حابارلادىق. بۇل حابارلاما ءبىزدىڭ «ОLХ» سياقتى سايتىندا جاريالانعان ەكەن. مودەراتسيادان قالاي وتكەنىن بىلمەدىم. سونى قازىر قىتاي تاراپى تەكسەرىپ، بولاشاقتا مۇنداي جايتتى بولدىرماۋعا كەلىسىم بەردى»، - دەدى ايبەك سمادياروۆ ۆەدومستۆودا وتكەن اپتالىق بريفينگ بارىسىندا ب ا ق وكىلدەرىنىڭ ساۋالىنا وراي.
سونىمەن قاتار، رەسمي وكىل بۇل اقپاراتتىڭ جالعان ەكەنىن باسا ايتتى.
«تەلەفونمەن حابارلاسىپ كوردىك. ەشكىم المايدى، تەلەفون ءسوندىرۋلى. ءوزىڭىز ايتقانداي پروۆاكاتسيا دا بولۋى مۇمكىن»، - دەيدى ول.
