پۋتين توقايەۆقا بەرگەن حاتتا نە جازىلعانى بەلگىلى بولدى
«بۇل حاتتا رەسەي تاراپىنىڭ ە ە و كوشباسشىلارىنىڭ تار قۇرامداعى كەزدەسۋى بارىسىندا قويىلعان سۇراققا جاۋابى قامتىلدى. اڭگىمە جۇك جونەلتۋشى قازاق كومپانيالارىنىڭ ىشكى تاريفتەر بويىنشا رەسەي تەمىر جولىمەن تاسىمالداۋعا قولجەتىمدىلىگى تۋرالى بولدى. رەسەي ۇكىمەتى قازاقستان اۋماعىندا مەجەلى پۋنكتى بار تاۋارلار جەڭىلدىكتى تاريفتى پايدالانا الادى، ال رەسەي اۋماعى بويىنشا ترانزيتپەن جۇرەتىن تاۋارلارعا ەكسپورتتىق تاريفتەر قولدانىلۋى ءتيىس دەپ ەسەپتەيدى. پرەزيدەنت ءبىزدىڭ ۇكىمەتكە 2015-جىلعى ە ە و قۇرۋ تۋرالى شارتتىڭ قاعيداتتارى نەگىزىندە وسى ماسەلە بويىنشا رەسەي تاراپىمەن كەلىسسوزدەردى جالعاستىرۋ تۋرالى تاپسىرما بەردى»، - دەيدى رۋسلان جەلدىباي.
ەسكە سالايىق، بۇعان دەيىن بىرنەشە ب ا ق بەتتەرىندە ە ە و سامميتىندە پۋتين جاپاروۆ ارقىلى توقايەۆقا حات بەرىپ جىبەرگەنىن جاريالاعان بولاتىن. قازاقستاندىق باسشى حاتتى وقىپ، رەسەي پرەزيدەنتىنە باسىن يزەپ، حاتتى قالتاسىنا سالعانى ۆيدەوعا ءتۇسىپ قالعان.
