قازاقستاندا قانشا شيپاجاي بار؟ ستاتيستيكا

ۇلتتىق ستاتيستيكا بيۋروسى دەمالىس قارساڭىندا قازاقستان شيپاجايلارى تۋرالى ستاتيستيكا ۇسىندى، - دەپ حابارلايدى Massaget.kz ءتىلشىسى.

2022-جىلدىڭ اياعىندا ەل اۋماعىندا 172 ساناتورلى-كۋرورتتىق ۇيىم بولدى، ونىڭ ىشىندە 109 ساناتوري، 27 وڭالتۋ ورتالىعى، 9 پروفيلاكتوري، 7 مامانداندىرىلعان جانە باسقا دا ساناتوريلەر.

ساۋىقتىرۋ ۇيىمدارىنىڭ باسىم بولىگى جەكە بيزنەسكە تيەسىلى – 127، مەملەكەتكە – 42، شەتەلدىك مەنشىكتە - 3.

66 شيپاجاي قالا اۋماعىندا بولسا، 106 شيپاجاي اۋىلدا.

كۋرورت ۇيىمداردىڭ سانى بويىنشا تۇركىستان وبلىسى كوش باستاپ تۇر. وندا 72 ۇيىم جۇمىس ىستەيدى. ودان ءارى اقمولا وبلىسى – 13، الماتى مەن قىزىلوردا وبلىسىندا - ءارقايسىندا 11 دەمالىس ورىننان بار.

بىلتىر شيپاجايلاردا 380 مىڭ ادام ساۋىقسا، ونىڭ 60 پايىزى - ايەلدەر.

ايتا كەتەيىك، بيىل ماۋسىمدا بەس كۇن جۇمىس ىستەيتىن قازاقستاندىقتار 26، 27- ماۋسىم جۇمىس ىستەپ، 28- ماۋسىم دەمالادى، 29، 30- ماۋسىم قايتا جۇمىس ىستەيدى. التى كۇن جۇمىس ىستەيتىندەر ءۇشىن 26، 27- ماۋسىم جۇمىس كۇنى بولسا، 28- ماۋسىم دەمالىپ، 29، 30- ماۋسىم جانە 1- شىلدە قايتا جۇمىس ىستەيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى