وڭتۇستىك كورەيادا جول ەرەجەسىن بۇزعان قازاقستان ازاماتى ۇستالدى

ا. ەسىمدى ازامات 24- مامىردا 18:15 تە ەنسۋ-دون-عا بارا جاتقان جولدا K5 كولىگىن قاتتى ايدادى دەپ ايىپتالىپ وتىر.

ءتىلشى ءتۇسىرىپ العان ۆيدەودا 27 جاستاعى ب. جانە 22 جاستاعى س. ەسىمدى، ۇلتى قازاق قىزدار اۆتوكولىكتىڭ ارتقى تەرەزەسىنە وتىرىپ، دەنەسىن تەرەزەدەن سىرتقا شىعارىپ، قولدارىن جوعارى كوتەرىپ تۇرعانىن كورۋگە بولادى.

ا. ەسىمدى ازامات پوليتسيا ۋچاسكەسىنە ءوز ەركىمەن كەلدى، وعان قاتىستى تەرگەۋ جۇرگىزىلدى.

تەرگەۋ بارىسىندا ا. مىرزا ب. جانە س. ەسىمدى ايەلدەرگە بۇلاي ىستەمەۋىن، ونىڭ قاۋىپتى ەكەنىن ەسكەرتكەنىن ايتتى.

ب. حانىم ارەكەتىن كورەياداعى جاقىن تانىسى بوپەلى بولعانىن ەستىپ، قاتتى قۋانعاننان ىستەگەنىن ءتۇسىندىردى. سونداي-اق ول «ءوز ەلىمدە مۇنداي ارەكەت قالىپتى بولعاندىقتان، ەشقانداي ماسەلە تۋىندامايدى دەپ ويلادىم» دەپ جاۋاپ بەرگەن تەرگەۋشىلەرگە.

ارىزدانۋشى كولىك بىردەن جىلدامدىعىن ارتتىرىپ، قوزعالىس جولاعىن بىردەن اۋىستىرعانىن ايتقان. ءبىراق جاقىن ماڭداعى كامەرادان پوليتسيا مۇنداي بۇزۋشىلىقتىڭ بولماعانىن انىقتادى.

پوليتسيا قىزمەتكەرىنىڭ ايتۋىنشا، ەگەر بۇل ارەكەت نەگىزگى ءتارتىپتى بۇزۋ دەپ تانىلسا ب. جانە س. ەسىمدى ازاماتتارعا دا ايىپپۇل سالىنادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى