م.اۋەزوۆ شىعارماسىندا كەيىپكەرلەردىڭ وبرازى وزگەرگەن بە؟
روماننىڭ ءبىرىنشى كىتابىندا ابايدىڭ سۇيىكتى جارى رەتىندە ءدىلدا كورسەتىلگەن. كەرىسىنشە، ايگەرىم جاعىمسىز وبراز سيپاتتا بولۋى ءتيىس بولاتىن. وسىعان بايلانىستى «ايگەرىم - كەدەيدىڭ قىزى. ول جاعىمسىز بولماۋى كەرەك» دەگەن ايتىس باستالادى. سونىمەن قاتار ابايدىڭ مەككەگە بارا جاتقان اكەسىنە جول كورسەتىپ، سۇيسىنە شىعارىپ سالۋى دا سىنعا ىلىنەدى. «اباي بالالارىنىڭ ماحابباتى كورسەتىلگەن»، «بۋرجۋازياشىل رومان» دەگەن ايىپ تاعىلادى.
1953- جىلى «كازاحستانسكايا پراۆدا» گازەتىندە ۇلكەن ماقالا شىعىپ، سوڭى تالقىلاۋعا ۇلاسادى. ەگەر سول ايىپتاۋلار راستالىپ كەتسە، قازاق ادەبيەتى «اباي جولى» رومانىنسىز قالار ەدى. سول سەبەپتى دە رومانعا كەزىندە كۇردەلى وزگەرىستەر ەنگىزىلدى. مىسالى، شاكارىمدى كەرىم وبرازىندا كورسەتەدى. سول وبراز روماندا جاقسى دامىپ كەلە جاتادى دا اياق استىنان دارمەن پايدا بولادى. ونى ءۇشىنشى كىتاپتا تولىسقان اقىن رەتىندە بەينەلەيدى. ياعني ول كەدەيدىڭ بالاسى بولعاندىقتان عانا مۇحتار اۋەزوۆ دارمەندى امالسىز شۇباردان وزدىرىپ، جاقسى ەتىپ كورسەتەدى.
