رەجەپ تايپ ەردوعان: تۇركيا عاسىرى باستالدى

ەكى ۇمىتكەر اراسىنداعى پايىزدىق ايىرماشىلىق - % 4,28. تۇركيانىڭ 13-پرەزيدەنتى بولىپ قايتا سايلانعان رەجەپ تايىپ ەردوعان كۇللى الەمگە «تۇركيا عاسىرىنىڭ باستالعانىن» جاريالادى.

ىستامبۇل، كىسىكلىداعى ۇيىندە جۇرتشىلىققا ءتىل قاتقان ەردوعان، سايلاۋدا 85 ميلليون حالىقتىڭ جەڭىسكە جەتكەنىن ايتتى.

رەجەپ تايپ ەردوعان، تۇركيا پرەزيدەنتى:

- 14-مامىرداعى سايلاۋدىڭ دا، 28-مامىرداعى سايلاۋدىڭ دا جەڭىمپازى - 85 ميلليون حالىق. سوندىقتان بۇگىنگى جەڭىمپاز تەك تۇركيا. دەموكراتيامىزعا، دامۋىمىزعا جانە ماقساتتارىمىزعا نۇقسان كەلتىرمەي، ەندى تۇركيا عاسىرىنىڭ قاقپاسىن اشتىق. ونى بارشامىز بىرگە اشتىق.

بەيرەسمي قورىتىندى جاريالانعان بەتتە، قالىڭ جۇرت جەرگىلىكتى پارتيا عيماراتىنا، ال انكارالىقتار پرەزيدەنتتىڭ رەزيدەنسياسىنا بەت الدى. ىستامبۇلدان كەيىن ەردوعان انكاراعا جول ءجۇردى. تۇركيادا سايلانعان پرەزيدەنتتىڭ «بالكون مالىمدەمەسى» دەگەن ءداستۇر بار. بۇعان دەيىن حالىققا بيلىك پارتياسىنىڭ عيماراتىنان ۇندەۋ جولداناتىن. ءبىراق، بۇل جولى ەردوعان بەشتەپەدەگى رەزيدەنسياسىنان ءسوز سويلەدى.

رەجەپ تايپ ەردوعان، تۇركيا پرەزيدەنتى:

- ءبىر قۋانارلىعى، پرەزيدەنتتىك سايلاۋدىڭ ەكىنشى كەزەڭى ايتارلىقتاي پروبلەمالارسىز اياقتالدى. سايلاۋدىڭ بەيرەسمي قورىتىندىسى بويىنشا، حالقىمىز پرەزيدەنتتىك بيلىكتى بىزگە تاعى 5 جىلعا سەنىپ تاپسىردى. ءبىزدى ەل باسقارۋ جاۋاپكەرشىلىگىنە لايىق ەتكەن ۇلتىمنىڭ ءاربىر مۇشەسىنە العىسىمدى بىلدىرگىم كەلەدى.

ال ونىڭ قارسىلاسى حالىق اليانسىنىڭ ءبىرىڭعاي كانديداتى كەمال كىلىچداروعلۇ، رەسپۋبليكالىق حالىق پارتياسى شتابىندا مالىمدەمە جاساپ، وپپوزيتسيالىق ۇستانىمىن جالعاستىراتىنىن ايتتى.

كەمال كىلىچداروعلى، حالىق اليانسىنىڭ ءبىرىڭعاي كانديداتى:

- وتان ءۇشىن وتقا تۇسسەك تە از. مەنىڭ قىنجىلىسىمنىڭ باستى سەبەبى - ەلدى بۇدان دا ۇلكەن قيىندىقتار كۇتىپ تۇر. سول سىناقتارعا ءبىز ءبىرىنشى بولىپ توتەپ بەرەمىز. ەڭ الدىمەن ماعان 25 ميلليوننان استام داۋىس بەرگەن ازاماتتارىمىزدىڭ تىك تۇرىپ، كوڭىل- كۇيىنىڭ كوتەرىڭكى بولعانىن قالايمىن.

جوعارعى سايلاۋ كەڭەسى، % 99,32 جاشىكتىڭ اشىلعانىن، ال قالعان سانالماعان % 0,68 سايلاۋ ۋچاسكەسىنىڭ قورىتىندىسى اسەر ەتپەيتىنىن مالىمدەدى.

احمەت يەنەر، جوعارعى سايلاۋ كەڭەسىنىڭ ءتوراعاسى:

- رەجەپ تايىپ ەردوعان 27 ميلليون 513 مىڭ 587 داۋىس، كەمال كىلىچداروعلۋ مىرزانىڭ 25 ميلليون 260 مىڭ 109 داۋىس جينادى. ەكى كانديدات اراسىندا 2 ميلليون 253 مىڭ 478 داۋىس ايىرماشىلىعى بار. سانالماعان بيۋللەتەندەردىڭ سانى 809 مىڭ 20. بۇل داۋىستار پرەزيدەنتتىككە كانديداتتاردىڭ كەز كەلگەنىنە بەرىلسە دە ناتيجە وزگەرمەيدى.

تۇركيا رەسپۋبليكاسىنىڭ پرەزيدەنتى رەتىندە بەيرەسمي قورىتىندى بويىنشا رەجەپ تايىپ ەردوعان تۇركيا پرەزيدەنتى بولىپ سايلاندى. تۋىستاس ەلدەگى پرەزيدەنتتىك ساياسي دودانىڭ ەكىنشى تۋرىندا سايلاۋ قۇقىعىنا يە % 83,84 ازامات داۋىس بەردى. بۇل كورسەتكىش، ءبىرىنشى تۋرمەن سالىستىرعاندا % 2 تومەن. بەلسەندىلىگى جوعارى % 89,8- پەن دۋزجە بولسا، بەلسەندىلىگى تومەن ءوڭىر % 65,8- پەن اعرى پروۆينتسياسى.

اۆتورى: مەرۋەرت قاناعات

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى