ەۋروپا قازاقتارىنىڭ قۇرىلتايىندا نە ايتىلدى
«وتانداستار قورى» كوممەرتسيالىق ەمەس اكسيونەرلىك قوعامىنىڭ پرەزيدەنتى ابزال ساپاربەك ۇلى اتالمىش شارانىڭ اياسىندا قانداي ماسەلەلەر تالقىلانىپ، شەشىمدەر قابىلدانعان تۋرالى ايتتى، دەپ حابارلايدى قازاقپارات ءتىلشىسى.
«ەۋروپاداعى قازاق ۇيىمدارىنىڭ باسشىلار مەن جالپى وسىندا تۇرىپ جاتقان قازاقتاردىڭ باسقوسۋ ءوتىپ جاتىر. بۇل قۇرىلتاي ءۇشىنشى رەت گەرمانيانىڭ كەلن قالاسىندا ءوتىپ جاتىر. ەروپاداعى قۇرىلتاي 2005-جىلى وسى كەلن قالاسىنان باستالعان. بىلتىر پاريجدە وتكەنىن بىلەسىزدەر. سول كەزدە بۇل قۇرىلتايعا تۇركيادان كوشىپ كەلگەن ەۋروپا قازاقتارىنىڭ عانا ەمەس، وسىندا قىزمەت بابىمەن، ءبىلىم ىزدەپ كەلگەن قازاقتاردىڭ دا باسقوسۋى بولسىن دەگەن باستاما ايتىلعان ەدى.
كەشەگى وتكەن ۇيىم باسشىلارىنىڭ كەزدەسۋىنە 15 ەلدەن 20 قازاق ۇيىمى قاتىستى. سونىمەن قاتار گەرمانيادا تۇرىپ جاتقان بۇرىنعى وتانداس نەمىس ۇلتىنىڭ وكىلدەرى دە قاتىستى»، - دەيدى قور باسشىسى.
ونىڭ سوزىنە قاراعاندا، كەشەگى جيىندا نەگىزىنەن ءۇش ماسەلە تالقىلانعان.
«ەۋروپا قازاقتارى ءوزارا ىنتىماق پەن بايلانىستى نىعايتۋ ءۇشن نە ىستەۋ كەرەك دەگەن سۇراققا جاۋاپ ىزدەدىك. ەۋروپاداعى قازاق ۇيىمدارىنىڭ «وتانداستار» قورىمەن ءوزارا ىقپالداستىعىن، بىرلەسكەن جوبالار قانداي بولۋ كەرەكتىگىن تالقىلادىق. سونداي-اق، ەۋروپاداعى قازاق دياسپوراسى مەن قازاقستاننىڭ اراسىندا قانداي بايلانىس، بىرلەسكەن جوبالار جاسالۋ كەرەكتىگى ءسوز بولدى.
اشىعىن ايتۋ كەرەك، بۇل جەردەگى قانداستاردى تولعاندىرىپ وتىرعان ماسەلە - قازاقستانداعى ۇلتتىق مۇددەلەر. ونىڭ ىشىندە قازاق ءتىلىنىڭ ماسەلەسى بار. مەملەكەتتىك ءتىلىد قازاقستان تاۋماعىندا عانا ەمەس. ەۋروپا قازاقتارىنىڭ اراسىندا دا دارىپتەۋ جاعى تالقىلاندى. ويتكەنى بۇل جەردە قازاق جاستارى قازىر ۇلكەن اسسيميلياتسيادان ءوتىپ جاتىر»، - دەدى ول.
ابزال ساپاربەك ۇلى شەتەلدە تۇرىپ جاتقان قازاقتاردىڭ قازاقستانعا ەمىن-ەركىن بارىپ، ۇزاق مەرىزمدە قالۋى، دەمالىسقا، وقۋعا بارۋى سياقتى ماسەلەلەر دە كوتەرىلىپ جاتقانىن ايتادى.
«وتانداستار» قورىنىڭ اياسىنداعى جوبالاردى، قازاق ءتىلىن ۇيرەتۋ، ۇلتتىق سپورت، قولونەر، شەبەرلىك سياقتى كۋرستاردى ودان ءارى جالعاستىرۋ قاجەتتىگى دە ايتىلدى. جالپى قازاق جاستارىنا باعىتتالعان جوبالاردى كوبىرەك جاساۋ تۋرالى ۇسىنىستار كوتەرىلدى.
قۇرىلتايعا جيىلعان قاۋىمدى شاراعا قازاقستان پرەزيدەنتىنىڭ كەڭەسشىسى مالىك وتاربايەۆ مىرزانىڭ قاتىسۋى قۋانتىپ وتىر. مالىك وتاربايەۆ قۇرىلتايعا كەلگەن قازاقتارعا پرەزيدەنتتىڭ ارنايى لەبىزىن جەتكىزدى. مۇنى ەۋروپا قازاقتارى مەملەكەتتىك دەڭگەيدەگى قامقورلىق دەپ باعالاپ وتىر.
كەشەگى ۇيىم باسشىلارىنىڭ جينالىسىنان كەيىن العاش رەت ەۋروپانىڭ 8 ەلىنەن كەلگەن ەڭ بەلسەندى، ءبىلىمدى زيالى قازاق جاستارىنىڭ 50 وكىلىنىڭ باسقوسۋى ءوتتى. وسى باسقوسۋدىڭ قورىتىندىسى بويىنشا ەۋروپاداعى قازاق جاستارىنىڭ اليانسىن قۇرۋ تۋرالى شەشىم قابىلداندى»، - دەيدى قور پرەزيدەنتى.
كەلەشەكتە اليانستىڭ كەڭەس مۇشەلەرى سايلانىپ، ءتۇرلى باعىتتاعى كوميتەتتەرى قۇرىلماق. ال كەلەسى جىلى ەۋروپاداعى قازاق جاستارىنىڭ اۋقىمسدى باسقوسۋىن وتكىزۋ جوسپارلانىپ وتىر.
«ياعني، تۇركيادان ەۋروپاعا تاراعان قازاقتاردىڭ اعا بۋىنى وسىنداي ۇيىمداردى قۇرىپ بەردى. ەندى سول ىزگى ءىستىڭ ەتەك جايۋى قازىرگى جاستاردىڭ قولىندا. قازىردەن باستاپ سوعان يە بولىپ، اتسالىسىپ، قازاق ينتەگراتسياسىنىڭ دامۋىنا قىزمەت ەتۋ كەرەكتىگى ايتىلدى.
بۇگىنگى باسقوسۋ توي سياقتى ءوتىپ جاتىر. قازاقتىڭ ۇلتتىق ونەرى دارىپتەلىپ، شەبەرلىق ساباقتارى ءوتىپ جاتىر. اسىق جانە توعىزقۇمالاق فەدەراتسياسىنىڭ وكىلدەرى شەبەرلىك ساعاتىن وتكىزۋدە. تاراز بەن اتىراۋدان قولونەر شەبەرلەرى كەلىپ ءوز شەبەرلىكتەرىن پاش ەتىپ جاتىر. ۇلتتىق كيىم برەندتەرىنىڭ كھرمەسى ءوتىپ، فوتوسەسسيالار ۇيىمداستىرىلىپ جاتىر. ەۋروپانىڭ 8 ەلىنەن ءبىر- ءبىر كوماندا، قازاقستان ەكى فۋتبول كومانداسى كەلىپ، تۋرنير وتكىزىپ جاتىر.
ەرتەڭ قۇرىلتايدى سالتاناتى جابىلۋ ءراسىمى بولادى. بۇل جەرگە گەرمانياداعى ەلشىمىز قاتىستى، سايىستار مەن بايقاۋلاردىڭ جەڭىمپازدارى ماراپاتتالادى. ونىڭ سوڭى قازاقستان مەن ەۋروپانىڭ تۇكپىر-تۇكپىرىنەن كەلگەن ونەر يەلەرىنىڭ ۇلكەن كونسەرتىنە ۇلاسادى»، - دەدى ابزال ساپاربەك ۇلى.
