قازاقستاندا جولداعى قاۋىپسىزدىك سالاسىندا تەز ارەكەت ەتەتىن كوشپەلى كەشەندەر پايدالانىلماق

«جولداعى كولىك قوزعالىسى ەرەجەلەرىن ورىنداماۋ دەرەكتەرىن انىقتاۋ ءۇشىن تەز ارەكەت ەتەتىن كەشەندەردى پايدالانا باستادىق. قازىر وسىنداي كوشپەلى كەشەندەردىڭ سانى 80 نەن استى. ءبىراق ەلىمىزدەگى بارلىق جولدى قامتۋ مۇمكىن ەمەس»، - دەدى يگور لەپەحا جولداعى قاۋىپسىزدىك سالاسىندا جاڭا تەحنولوگيالاردى پايدالانۋ تاقىرىبىنداعى فورۋمدا.

ونىڭ ايتۋىنشا، مۇنداي كەشەندەر ءبىرقاتار جولدىڭ بويىندا اۋقىمدى جۇمىستارعا جۇمىلدىرىلعان.

«قازىر اقمولا وبلىسى بويىنشا ايتساق، وسىنداي ەكى-ءۇش كولىك بۇرىن پاترۋلدىك پوليتسيانىڭ تۇتاس ءبىر ۆزۆودى اتقارعان جۇمىستى تولىعىمەن قامتىپ وتىر. قازىر پوليتسەيدىڭ جولدىڭ بويىندا تۇرىپ، اۆتوكولىكتى توقتاتۋدىڭ قاجەتى جوق»، - دەدى ءمينيستردىڭ ورىنباسارى.

بۇدان بۇرىن حابارلانعانداي، كەيىنگى 12-15 جىلدا اۆتوكولىك سانى 3 ميلليوننان 5 ميلليونعا دەيىن ارتتى.

سونىمەن قاتار، ي. لەپەحا ەلەكتر ساموكاتتىڭ جىلدامدىعى ساياباق اۋماعىندا اۆتوماتتى تۇردە باسەڭدەۋى كەرەك ەكەنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى