قازاقستاندا اۆتوكولىك سانى كۇرت ارتتى
«جىل سايىن 2,5 مىڭعا جۋىق ادام جول اپاتىنان مەرت بولادى. سونىمەن قاتار، تاعى 19-عا جۋىق ادام جارالانىپ وتىر» - دەدى يگور لەپەحا.
ونىڭ ايتۋىنشا، بۇل ماسەلە بويىنشا ەلىمىزدەگى جاعداي كۇردەلى. سوندىقتان جولداعى قاۋىپسىزدىككە قاتىستى ەرەكشە نازار اۋدارىلىپ وتىر. دەگەنمەن جولداعى اپات سانىن تەك پوليتسيا كۇشىمەن ازايتۋ مۇمكىن ەمەس
«بۇل ماسەلە مەملەكەت باسشىسىنىڭ قاتىسۋىمەن بولعان قاۋىپسىزدىڭ كەڭەسى وتىرىسىندا بىرنەشە رەت قارالدى. ەلىمىزدە اۆتوكولىك پاركى ەلەۋلى تۇردە ءوستى. كەيىنگى 12-15 جىلدا اۆتوكولىك سانى 3 ميلليوننان 5 ميلليونعا دەيىن ارتتى. سونىمەن قاتار، جىل سايىن حالىقارالىق ترانزيت اعىنى دا ءوسىپ كەلەدى. جاز كەزىندە ەلىمىزگە وزدەرىنىڭ كولىگىمەن ساپارلاپ كەلەتىن شەتەل ازاماتتارى كوبەيەدى. ەلىمىزدىڭ ازاماتتارى دا باسقا وڭىرلەرگە بارادى. بۇل تۇرعىدا جولداعى اپات كۇرت ءوسۋى مۇمكىن. جولداعى اپات سانىن تەك پوليتسيا كۇشىمەن ازايتۋ مۇمكىن ەمەس»، - دەدى يگور لەپەحا.
بۇدان بۇرىن حابارلانعانداي، جىل سايىن ەلىمىزدە 13 مىڭ جول- كولىك وقيعاسى تىركەلەدى.
