سولتۇستىك قازاقستاندا ءىرى قارادان برۋتسەللەز انىقتالعان اۋىلعا شەكتەۋ ەنگىزىلدى

«سولتۇستىك قازاقستان وبلىسى اققايىڭ اۋدانى توقشىن اۋىلدىق وكرۋگى كامىشلوۆ اۋىلىندا ءىرى قارا مالدىڭ برۋتسەللەزى بويىنشا شەكتەۋ ءىس- شارالارىن ەنگىزە وتىرىپ، ۆەتەريناريالىق رەجيمى بەلگىلەسىن»، - دەلىنگەن اشىق ن ق ا پورتالىندا جاريالانعان توقشىن اۋىلدىق وكرۋگىنىڭ اكىمى ب. يمانتايەۆتىڭ شەشىمىندە.

ءمالىم بولعانداي، جىل باسىنان بەرى ءىرى قارادان الىنعان قان سىنامالارىنىڭ ناتيجەسىندە 5 باستان برۋتسەللەز انىقتالعان.

«بيىل اققايىڭ اۋدانى كامىشلوۆ اۋىلىندا ءىرى قارا مالدان برۋتسەللەز اۋرىنا جۇرگىزىلگەن جوسپارلى دياگنوستيكالىق زەرتتەۋ ناتيجەسىندە 201 قان سىناماسىنىڭ بەسەۋى برۋتسەللەزگە وڭ ناتيجە كورسەتتى. وسىلاردى ەسكەرە وتىرىپ، سقو، اققايىڭ اۋدانى، توقشىن اۋلدىق وكرۋگىنىڭ كامىشلوۆ سەلوسىندا ءىرى قارا مالدىڭ برۋتسەللەزى بويىنشا شەكتەۋ ءىس- شارالارىن بەلگىلەۋ تۋرالى شەشىم قابىلداۋ قاجەت»، - دەپ جازىلعان قۇجاتقا قوسىمشا بەرىلگەن تۇسىندىرمەدە.

قوسا كەتسەك، جىل باستالعالى سولتۇستىك قازاقستان وبلىسىندا 60 شاقتى مالدان برۋتسەللەز انىقتالىپ، ولاردىڭ كوزى جويىلعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى