قازاقستاندىق بوكسشى بۇكىل الەمدىك بوكس رەيتينگىندە ەكىنشى ورىنعا كوتەرىلدى

قازاقستاندىق كاسىپقوي بوكسشىلاردىڭ ءبىرى تىزىمدە جوعارىلاسا، ەندى بىرەۋلەرى ءتىپتى شىعىپ قالعان.

ورتا سالماقتا گەننادي گولوۆكين ءبىرىنشى ورنىن ساقتاپ قالدى. ال ودان كەيىنگى ورىنعا وتانداسىمىز مەيىرىم نۇرسۇلتانوۆ كوتەرىلدى. ول بۇعان دەيىن ءتورتىنشى ورىندا تۇرعان ەدى. ءۇشىنشى ساتىنى مەكسيكالىق حايمە مۋنگيا تۇيىندەپ تۇر.

مەيىرىم نۇرسۇلتانوۆ 15-ءساۋىر كۇنى ينچحوندا وتكەن بوكس كەشىندە جەڭىلىپ كورمەگەن جاپون بوكسشىسى كادزۋتو تاكەساكونى نوكاۋتپەن ۇتىپ، WBO International چەمپيوندىق بەلبەۋىن ءساتتى قورعاعان بولاتىن.

اسا اۋىر سالماقتاعى بوكسشىمىز جان كوسوبۋتسكي 8-ورنىندا قالدى. ال ونىڭ كەلەسى قارسىلاسى دجارەد اندەرسون 11-ورىننان 9-عا كوتەرىلدى. يۆان دىچكو بولسا، ءبىر ساتى تومەندەپ، 30-ورىنعا جايعاسقان.

ءبىرىنشى اۋىر سالماقتا قامشىبەك قوڭقابايەۆ تا 29-دان 30-ورىنعا تومەن سىرعىعان.

ەكىنشى ورتا سالماقتا WBC Silver بەلبەۋىنىڭ يەگەرى ءالي احمەدوۆ 3-ورنىندا قالعان. ونىڭ الدىندا فرانسۋز كريستيان مبيللي مەن كانادالىق ەريك بازينيان تۇر.

ءبىرىنشى جارتىلاي ورتا سالماقتا WBC Silver بەلبەۋىنە يە سەرگەي ليپينەتس 5-ورنىن ساقتاپ قالعان.

باتىر جۇكەمبايەۆ پەن جانقوش تۇراروۆ جاڭارعان رەيتينگتە ۇزدىكتەر قاتارىنان شىعىپ قالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى