قازاقستاندا ۇلتتىق عىلىم اكادەمياسى جانىنان جاس عالىمدار كەڭەسى قۇرىلادى
نەگىزگى تالقى عىلىمدى جانداندىرۋ، جاس عالىمداردى قولداۋ تاقىرىبىندا ءوربىدى. اكادەميا پرەزيدەنتى جاس عالىمدار كەڭەسىن قۇرۋدى ۇسىندى.
«كەڭەس وتىرىسى جىلىنا ءتورت رەت، ياعني توقسان سايىن وتەدى. باسقوسۋدا كەڭەس مۇشەلەرى وزەكتى ماسەلەلەردى ورتاعا سالىپ، تالقىلاپ شەشەتىن بولادى. بۇگىن ءبىز العاش رەت كەزدەسىپ وتىرمىز، مۇندا ءتۇرلى سالانىڭ عالىمدارى مەن ساراپشىلارى قاتىسۋدا. مۇنى مەن پاتريوتتىق اكت دەپ قابىلدايمىن. ياعني، سىزدەر قازاق ەلىنىڭ بولاشاعىن ويلايسىزدار. سىزدەرگە العىسىم شەكسىز»، - دەدى كۇنسۇلۋ زاكاريا.
ول كەڭەس قۇرامىنا بەلگىلى ءبىر سالانى دامىتۋ ءۇشىن ءوز يدەيالارىن ۇسىنا الاتىن 40 جاسقا دەيىنگى تابىستى جاس عالىمدار مۇشە بولاتىنىن اتاپ ءوتتى.
«كەڭەستىڭ جاس عالىمدارى ءوز ويلارىن ورتاعا سالىپ، بار پروبلەمالاردى ايتىپ، ەل مەن عىلىمنىڭ دامۋىنا ۇلەس قوسۋى كەرەك. ءبىز ەڭ تابىستى، مىقتى، ساۋاتتى عالىمداردى ۇسىناتىن بولامىز. ءبىراق ولار ءوز كانديداتۋراسىن وزدەرى ۇسىنۋى كەرەك. كەڭەستە عىلىمنىڭ بارلىق سالاسىنىڭ وكىلدەرى بولۋىن قامتاماسىز ەتەمىز. قانشا ادام بولاتىنىن كەيىنىرەك شەشەمىز، ارينە، سانعا شەكتەۋ بولادى. بۇل كەڭەستىڭ قاشان قۇرىلاتىنى عالىمداردىڭ وزدەرىنە بايلانىستى، ءبىراق مەنىڭ ويىمشا، بۇل كەڭەس تاياۋ ۋاقىتتا پايدا بولادى، ويتكەنى بارلىعى وسىعان مۇددەلى»، - دەدى ق ر ۇلتتىق عىلىم اكادەمياسىنىڭ پرەزيدەنتى.
ايتا كەتەيىك، كۇنسۇلۋ زاكاريا ق ر ۇلتتىق عىلىم اكادەمياسىنىڭ پرەزيدەنتى بولىپ وسى جىلدىڭ ءساۋىر ايىندا تاعايىندالعان بولاتىن.
