ا ق ش- تىڭ كەڭەس وداعىنا سالعان شەكتەۋلەرى قازاقستاننان ءالى الىنباعان

ەگەر قۇجات قابىلدانسا، ەكى ەل اراسىنداعى تۇراقتى ساۋداعا تولىق مۇمكىندىك بەرمەيتىن دجەكسون- ۆەنيك تۇزەتۋلەرىنىڭ كۇشى جويىلادى. وسىدان 48 جىل بۇرىن كەڭەس وداعىنا سالىنعان شەكتەۋلەر قازاقستاننان ءالى كۇنگە دەيىن الىنباعان.

- 1974 -جىلى كونگرەسسمەندەر گەنري دجەكسون مەن چارلز ۆەنيك كەڭەس ۇكىمەتىمەن ساۋدا- ساتتىقتى شەكتەيتىن زاڭعا تۇزەتۋلەر ەنگىزۋدى ۇسىنادى. تەرەڭ بايلانىسقا كەدەرگى كەلتىرەتىن بۇل قۇجات دجەكسون- ۆەنيك تۇزەتۋلەرى دەگەن اتاۋمەن تانىس. ول ءتىپتى كەڭەس وداعىنىڭ مۇراگەرى رەسەيدەن الدەقاشان الىنعان. قازاقستان تاۋەلسىزدىك العالى بەرى وسى دجەكسون- ۆەنيك تۇزەتۋلەرىنىڭ كۇشىن جويۋ جونىندە بىرنەشە مارتە ۇسىنىس جاسادى. بۇل جولى قۇجات جوباسىن ۇسىنعان دەپۋتاتتاردىڭ ءبىرى دارين لاحۋد قازاقستانعا قاتىستى وسى ەسكىرگەن تۇزەتۋلەردى الىپ تاستاۋ ا ق ش- تىڭ ورتالىق ازياداعى ساۋدا مۇددەلەرىن نىعايتۋ ءۇشىن اقىلعا قونىمدى قادام، - دەدى. ياعني، 1974 -جىلعى ساۋدا تۋرالى زاڭنىڭ 4-ءبولىمىن قازاقستان ونىمدەرىنە قولدانۋدى توقتاتۋ كەرەگىن ايتىپ وتىر.

اريەل كوەن، اتلانتيكالىق ساراپتاما وداعىنىڭ عىلىمي قىزمەتكەرى:

- بۇل تۇزەتۋلەر ەۆرەيلەردىڭ كوشى-قونىنا كەدەرگى جاساعان كەڭەس وداعىنا قارسى سالىنعان شەكتەۋ بولاتىن. ءبىراق وداقتىڭ ىدىراعانىنا 30 جىل بولدى، دجەكسون- ۆەنيك - ەسكى زاماننىڭ سارقىنشاعى. قازىرگى قازاقستانعا مۇلدەم قاتىسى جوق. شەكتەۋدىڭ ءالى دە زاڭدا بولۋى ەكىجاقتى بايلانىسقا كەرى اسەرىن تيگىزىپ جاتىر. سوندىقتان ونى الىپ تاستايتىن ۋاقىت الدەقاشان جەتتى.

118- كونگرەسس دەپۋتاتتارى ەنگىزگەن ۇسىنىستى الدىمەن وكىلدەر پالاتاسى ماقۇلداۋى كەرەك. ودان ءارى سەناتتىڭ قابىلداۋىنا جىبەرىلەدى. جالپى كونگرەسستىڭ تومەنگى پالاتاسىنداعى دەپۋتتار 2 جىل سايىن سايلانادى. قازىرگى حالىق قالاۋلارىنىڭ مەرزىمى 2024 -جىلدىڭ سوڭىنا دەيىن جالعاسادى. ولار وسى ۋاقىت ارالىعىندا وزدەرى ۇسىنعان قۇجاتتى قابىلداپ كەتۋى كەرەك. ال ماقۇلدانباي قالسا، بۇل جۇمىستاردى جاڭا دەپۋتاتتارمەن قايتا باستاۋعا تۋرا كەلەدى. ءبىراق ەلشى ەرجان اشىقبايەۆ وسى جولى ءبارى ساتىمەن اياقتالاتىنان سەنەدى.

ەرجان اشىقبايەۆ، ق ر- نىڭ ا ق ش- تاعى توتەنشە جانە وكىلەتتى ەلشىسى:

- دجەكسون- ۆەنيك تۇزەتۋلەرى كۇشىن جويادى دەگەن سەنىم بار. سوندىقتان بۇل باعىتتا دا جۇمىسىمىزدى جالعاستىراتىن بولامىز.

بىلتىر قازاقستان مەن ا ق ش اراسىنداعى ساۋدا اينالىمى % 40- كە ارتىپ، 3 ميلليارد دوللارعا جەتتى. ەگەر دجەكسون- ۆەنيك تۇزەتۋلەرى الىنىپ تاستالسا، بۇل كورسەتكىش ودان ءارى ارتادى، - دەيدى ساراپشىلار. قازاقستانعا قاتىستى وسى دجەكسون- ۆەنيك تۇزەتۋلەرى وسىمەن كونگرەسس قارۋىنا 12- رەت جىبەرىلىپ وتىر.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى