ەردوعان اپات ايماعىنىڭ تۇرعىندارىنا سايلاۋعا بەلسەندى قاتىسقانى ءۇشىن العىس ءبىلدىردى
سارسەنبى كۇنى Twitter- دە جاريالاعان جازباسىندا ساياساتكەر ساياسي كوزقاراسىنا قاراماستان ءاربىر سايلاۋشىنىڭ پىكىرىن قۇرمەتتەيتىنىن باسا ايتتى.
مەملەكەت باسشىسى اپات ايماعىن قالپىنا كەلتىرۋ جۇمىستارى ەلدىڭ وڭتۇستىگى مەن وڭتۇستىك-شىعىسىنداعى جاعداي تولىق قالپىنا كەلگەنشە جالعاساتىنىن ايتتى.
«بۇگىنگى تاڭدا 6- اقپانداعى جەر سىلكىنىسىنەن زارداپ شەككەن پروۆينتسيالاردا 910 مىڭنان استام شاتىر تىگىلدى، 117 مىڭ مودۋلدىك تۇرعىن ءۇي قۇرىلىسى سالىندى»، - دەدى ەردوعان.
تۇركيا باسشىسى نەبارى 57 كۇندە پايدالانۋعا بەرىلگەن وڭتۇستىكتەگى حاتاي پروۆينتسياسىنداعى دەفنە اۋرۋحاناسىن مىسالعا كەلتىردى.
«ءبىر جىل ىشىندە 319 مىڭ ءۇي سالىنادى، جالپى 650 مىڭ تۇرعىن ءۇي سالۋ جوسپارلانۋدا»، - دەدى ەردوعان. ساياساتكەر اپات ايماعىنداعى باسپاناسىنان ايرىلعان تۇرعىندارعا بيىلعى قازان-قاراشا ايلارىندا جاڭا پاتەرلەردىڭ العاشقى كىلتتەرى بەرىلەتىنىن ايتتى.
