بولات جامىشيەۆ «قازاقستان حالقىنا» قورى نەگە ەكولوگيالىق جوبالاردى قولدامايتىنىن ءتۇسىندىردى
«ءبىز قاندايدا ءبىر باعدارلامانى قولداۋ ءۇشىن ونىڭ يگىلىگىن كورەتىن اقىرعى بەنەفيتسياردىڭ كىم بولاتىنى تۇسىنىكتى بولۋى شارت. ەكولوگيا دەسەك، بىردەن الماتى، تەمىرتاۋ، لاس اۋا دەگەندەر ايتىلادى. سوندا بىزگە جىلۋ-ەلەكتر - ورتالىقتارىن گازعا كوشىرۋمەن اينالىسۋ كەرەك پە؟ ەكولوگيانىڭ قايىرىمدىلىق جوباسى رەتىندە قۇرىلىمداۋ مۇمكىن ەمەس. ونىڭ يگىلىگىن كورۋشىلەردى ناقتى توپتاۋ قيىن»، - دەدى بولات جامىشيەۆ.
سونداي-اق، اتالعان شارادا قور قىزمەتكەرلەرىنىڭ ورتاشا ايلىعى قانشا ەكەنى ايتىلدى.
اكىمشىلىك شىعىندار تۋرالى ايتساق، بىلتىرعىمەن سالىستىرعاندا ءبىز ءوسىپ قالدىق. بىلتىر 25 ادام بولسا، بيىل 47 ادام جۇمىس ىستەيدى. وتكەن جىل قالىپتاسۋ جىلى بولدى. 25 باعدارلامانى بەكىتتىك. سوندىقتان ادامدار كەرەك بولدى. دەي تۇرعانمەن ءبىزدىڭ الدىمىزدا اكىمشىلىك شىعىندى وسىرمەۋ تۋرالى مىندەت بار. شتات سانى ىشكى اۋديت قىزمەتى پايدا بولۋىنا بايلانىستى دا ارتتى - 2 ادام الدىق. ورتاشا ايلىق بويىنشا بىلتىرعى كورسەتكىش ءتۇستى. بىلتىر ورتاشا ايلىق كولەمى 565 مىڭ تەڭگە بولسا، بيىل 390 مىڭ تەڭگە»، - دەدى قوردىڭ باسقارۋشى ديرەكتورى سوفيا ايساعاليەۆا.
