قىزىلوردادا سەۋل ۇلتتىق عىلىم جانە تەحنولوگيالار ۋنيۆەرسيتەتىنىڭ جاساندى ينتەللەكت مەكتەبى اشىلادى

دەلەگاتسيا قۇرامىندا قىزىلوردا وبلىسىنىڭ اكىمى نۇرلىبەك نالىبايەۆ، قازاقستان رەسپۋبليكاسىنىڭ كورەياداعى توتەنشە جانە وكىلەتتى ەلشىسى باقىت دۇيسەنبايەۆ، وبلىستىق ءماسليحات ءتوراعاسى ناۋرىزباي بايقاداموۆ، قورقىت اتا اتىنداعى قىزىلوردا ۋنيۆەرسيتەتىنىڭ رەكتورى بەيبىتكۇل كارىموۆا بار.

ءىس ساپاردىڭ العاشقى كۇنى دەلەگاتسيا مۇشەلەرى ءبىلىم جانە عىلىم سالالارىندا ىنتىماقتاستىق ورناتۋ ءۇشىن شينحان ۋنيۆەرسيتەتىنىڭ پرەزيدەنتى كانگ سونگ چونگ مىرزامەن كەزدەستى. الەۋمەتتىك عىلىمدار باعىتى بويىنشا ماڭدايالدى ج و و- لاردىڭ ءبىرى - شينحان ۋنيۆەرسيتەتى 1960 -جىلى قۇرىلعان.

كەزدەسۋدە كانگ سونگ چونگ مىرزا قىزىلوردادا ۋنيۆەرسيتەت فيليالىن اشۋعا ىنتالى ەكەنىن ءبىلدىردى. وسى رەتتە الداعى 20-30 -جىلدىقتا ءوڭىردىڭ ەڭبەك نارىعىندا قانداي ماماندىقتاردىڭ سۇرانىسقا يە بولاتىنىن ەكىجاقتى زەرتتەي كەلىپ، جوعارى وقۋ ورنىن اشۋ جوسپارلانۋدا. وسى ماسەلەلەردى ءارى قاراي پىسىقتاۋ ءۇشىن الداعى شىلدە ايىندا شينحان ۋنيۆەرسيتەتى پرەزيدەنتىنىڭ قىزىلورداعا ءىس ساپارىن ۇيىمداستىرۋ كوزدەلگەن. ەڭبەك نارىعىنىڭ بولاشاقتاعى باعىتى زەرتتەلگەننەن كەيىن شينحان ۋنيۆەرسيتەتىنىڭ فيليالى قانداي ماماندىقتار بويىنشا اشىلاتىنى ناقتىلانادى.

كورەيا رەسپۋبليكاسىنداعى ءىس ساپار بارىسىندا سەۋل ۇلتتىق عىلىمي- تەحنيكالىق ۋنيۆەرسيتەتىنىڭ پرەزيدەنتى لي دونگ حۋن مىرزامەن كەزدەسۋ ءوتتى. جيىنعا قر عىلىم جانە جوعارى ءبىلىم ءمينيسترى ساياسات نۇربەك ۆيتسە- مينيسترلەرمەن بىرگە ونلاين قوسىلىپ، باستامالارعا قولداۋ كورسەتىلەتىنىن ايتتى.

پرەزيدەنت قاسىم- جومارت كەمەل ۇلى توقايەۆتىڭ ءبىلىم ساپاسىن ارتتىرۋ ءۇشىن الەمدەگى وزىق جوعارى وقۋ ورىندارىنىڭ فيليالدارىن ەلىمىزدە اشۋدى تاپسىرعانى بەلگىلى. بۇل ەڭ الدىمەن بىلىكتى مامانداردى وقىتىپ شىعارۋعا، جوعارى تەحنولوگيالاردى يگەرۋگە جول اشادى.

كورەيا مەن قازاقستان اراسىندا جوعارى ءبىلىم سالاسىنداعى ەكىجاقتى ىنتىماقتاستىقتى دامىتۋ ءۇشىن بيىل حالىقارالىق ىنتىماقتاستىق جونىندەگى جەتەكشى ۋنيۆەرسيتەتتىك جوبا ازىرلەندى. جوبا كورەيا رەسپۋبليكاسىنىڭ ۇكىمەتىندە ماقۇلدانىپ، ءبىلىم مينيسترلىگىنەن گرانتتىق جوبا رەتىندە 1 ميلليارد تەڭگەدەي قارجى بولىنەدى.

سونداي- اق، ۋنيۆەرسيتەت پرورەكتورلارى، ينستيتۋت ديرەكتورلارى مەن كافەدرا مەڭگەرۋشىلەرى جانە دە ءتۇرلى سالالار بويىنشا قۇرىلىم باسشىلارى 16 مىڭ ستۋدەنتى، 9 فاكۋلتەتى، 300 وقىتۋشى- پروفەسسورى بار سەۋل كيبەر ۋنيۆەرسيتەتىمەن تانىستى.

ۋنيۆەرسيتەت باسشىلىعى الداعى ۋاقىتتا سەۋل كيبەر ۋنيۆەرسيتەتىمەن ارىپتەستىك بايلانىستى نىعايتىپ، بىرلەسكەن جوبالاردى اتقارۋ جونىندەگى كەلىسىمگە كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى