پرەزيدەنت رەزيدەنسياسىنىڭ ورنىنا وقۋ-ساۋىقتىرۋ ورتالىعى اشىلادى

40 ورىندىق وبلىستىق «ءمولدىر بۇلاق» وقۋ-ساۋىقتىرۋ ورتالىعىن اشۋعا 610,8 ميلليون تەڭگە قاراستىرىلىپ وتىر. بۇل تۋرالى وڭىرلىك كوممۋنيكاتسيالار قىزمەتى الاڭىندا جامبىل وبلىسى اكىمىنىڭ ءبىرىنشى ورىنباسارى نۇرجان كالەندەروۆ ايتتى.

«جالپىعا مىندەتتى ءبىلىم بەرۋ قورى ەسەبىنەن كوپ بالالى جانە از كامتىلعان وتباسىلاردان شىققان 48671 بالانى ىستىق تاماقپەن، كيىم-كەشەكپەن جانە جازعى ساۋىقتىرۋ لاگەرلەرىمەن قامتامسىز ەتۋگە 5,7 ميلليارد تەڭگە بولىنگەن.

از قامتىلعان وتباسىدان شىققان 1-4-سىنىپتا وقيتىن 70639 بالانى جانە مەكتەپكە دەيىنگى مەكەمەلەردە تاربيەلەنەتىن 11326 بالانى ىستىق تاماقپەن قامتۋعا 3 ميلليارد تەڭگەگە جۋىق قارجى قارالدى»، - دەدى سونداي-اق، نۇرجان كالەندەروۆ.

سونىمەن قاتار، ول 2020-2023 -جىلدارى 44 مىڭعا جۋىق پەداگوگتىڭ جالاقىسى 100 پايىزعا، ياعني 2 ەسەگە وسكەنىن دە مالىمدەدى.

ايتا كەتەيىك، بۇعان دەيىن تارازدا وقۋشى ەلەكتر ەنەرگياسىن وندىرەتىن جوبا ويلاپ تاپقانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى