اقتوبەدە ءماسليحات دەپۋتاتى شىن مانىندە جوق مالعا زاڭسىز سۋبسيديا العان
ءىرى كولەمدە جاسالعان الاياقتىق فاكتىسى بويىنشا اۋداندىق ءماسليحات دەپۋتاتىنا قاتىستى قارجىلىق مونيتورينگ اگەنتتىگى اقتوبە وبلىستىق دەپارتامەنتى سوتقا دەيىنگى تەرگەۋ امالدارىن جۇرگىزىپ جاتىر.
«شارۋا قوجالىعى اتىنان شىن مانىندە جوق بولعان مالعا سۋبسيديا الۋعا ءوتىنىش بەرگەن. سونداي- اق، بۇل ازامات «سىباعا» مەملەكەتتىك باعدارلاماسى بويىنشا «اگرارلىق نەسيە كورپوراتسياسى» ا ق 600 باس ءىرى قارا مال ساتىپ الۋعا بەرگەن نەسيە قاراجاتىن زاڭسىز العان.
وسىلايشا، جالپى شىعىن كولەمى 457 ميلليون تەڭگەنى قۇرايدى. قازىرگى ۋاقىتتا بۇل ازامات ۇستالىپ، وعان قاتىستى «قاماۋ» تۇرىندەگى بۇلتارتپاۋ شاراسى تاعايىندالدى»، - دەپ جازدى ۆەدومستۆودان.
