الماتى مەن قونايەۆ اراسىندا ارنايى ەكونوميكالىق ايماقتى سينگاپۋر كومپانياسى جوبالاپ جاتىر
«بۇل جوبا الماتى وبلىسىندا G4 City دەپ اتالاتىن ارنايى ەكونوميكالىق سالۋدى كوزدەيدى. بىلەتىن شىعارسىزدار، الماتى قالاسى مەن قونايەۆ قالاسىنىڭ اراسىنداعى ارالىق قازىر G4 City دەپ اتالادى. بۇل اۋماق ءتورت اۋداننان تۇرادى. ءار اۋداننىڭ وزىنە ءتان سالاسى بار. سينگاپۋردىڭ «Surbana Jurong» اتتى مەملەكەتتىك كومپانياسى ارنايى ەكونوميكالىق جوبانىڭ جوسپارىن ازىرلەيدى. بۇل كومپانيا 2019-جىلدان بەرى قازاقستانعا جوبانىڭ شەبەرلىك جوسپارىن ازىرلەۋگە تىڭعىلىقتى تۇردە كومەكتەسىپ كەلدى. شەبەرلىك جوسپارى بىلتىر جىل سوڭىندا پرەزيدەنتتىڭ جارلىعىمەن بەكىتىلگەن. ەندى وسى ارنايى ەكونوميكالىق ايماقتى ەگجەي-تەگجەيلى جوسپارلاۋعا كوشتىك. قازىردىڭ وزىندە ارنايى ايماقتىڭ اۋماعى بويىنشا وڭىردە العاشقى ورىنداردىڭ بىرىندەمىز دەپ ۇمىتتەنۋگە بولادى. ويتكەنى ءبىزدىڭ جوباعا ءبولىنىپ وتىرعان 30 مىڭ گەكتار اۋماق «Surbana Jurong» كومپانياسى قىتايدا سالعان ايماقتاردان الدەقايدا ۇلكەن. سونداعى ەڭ تانىمال يندۋستريالىق ايماقتاردىڭ ءبىرىنىڭ اۋماعى 7 مىڭ گەكتار. ءبىراق ءبىز سانمەن بىرگە ساپاعا دا كوڭىل بولەمىز»، - دەدى الماتى وبلىسى اكىمىنىڭ ورىنباسارى.
ونىڭ ايتۋىنشا، ارنايى ەكونوميكالىق ايماق الماتى وبلىسى مەن الماتى قالاسىنىڭ 2047-جىلعا دەيىنگى ءوسىمىن ەسكەرە وتىرىپ جوسپارلانعان.
«سينگاپۋر تاراپى بۇل ايماقتى جوبالاۋعا كومەكتەستى. ال ارنايى ەكونوميكالىق ايماق مەملەكەتتىك نىسان بولاتىنى ايتپاسا دا دا تۇسىنىكتى شىعار. جوبالاۋعا وتە ۇلكەپ كاپيتال جۇمسالدى. ناقتى قانشا اقشا كەتكەنى باس ارنايى ايماقتىڭ باس جوسپارى ازىرلەنگەننەن كەيىن بەلگىلى بولادى. ول قۇجاتتى وسى جىلدىڭ اياعىنا دەيىن ازىرلەپ بولامىز دەگەن جوسپار بار»، - دەدى رۋستام يساتايەۆ.
