تۇرعىنداردىڭ دەمالىس اۋماقتارىنا ءوزىنىڭ تاماعى نەمەسە سۋسىنىمەن كىرۋىنە تىيىم سالۋ – زاڭسىز
وسىعان قاراي ق ر سيم تۇتىنۋشىلاردىڭ قۇقىقتارىن قورعاۋ كوميتەتىنىڭ مەملەكەتتىك ساياساتتى قالىپتاستىرۋ باسقارماسىنىڭ باسشىسى رامازان بارەنوۆ كەلەسىنى حابارلايدى: «زاڭدى تۇردە ساتىپ الىنعان كەز كەلگەن سۋسىندار مەن تاماق تۇتىنۋشىنىڭ جەكە مەنشىگى بولىپ تابىلادى جانە ونى ەشكىم شەكتەي المايدى (ق ر كونستيتۋتسياسىنىڭ 26-بابى 1 جانە 3 بولىكتەرى)» .
ەگەر اركىم بيلەت ساتىپ السا نەمەسە ونىڭ اۋماعىنا كىرۋ ءۇشىن اقى تولەسە، تاماق پەن سۋسىندارمەن دەمالىس ايماعىنا ەركىن كىرۋگە قۇقىلى، ويتكەنى بۇل جاسالعان شارتتىڭ نىسانى بولىپ تابىلادى (ق ر ا ك 394-بابى) .
سونىمەن قاتار، تۇتىنۋشىلاردىڭ قۇقىقتارىن قورعاۋ تۋرالى زاڭىنىڭ 8-1-ب. 2-ت. 3) ت ت. سايكەس تۇتىنۋشىعا دەمالىس ايماعىنا ونىڭ ىشىڭدە تاماق پەن سۋسىننىڭ بولۋىنا بايلانىستى كىرۋگە تىيىم سالۋعا جول بەرىلمەيدى، ويتكەنى بۇل ارەكەت تۇتىنۋشىنى ونىڭ اۋماعىندا تاماق پەن سۋسىنداردى قوسىمشا ساتىپ الۋعا ماجبۇرلەۋ بولىپ تابىلادى.
مۇنداي شەكتەۋلەر اۋىزشا نەمەسە جازباشا بولسىن، جارامسىز، ويتكەنى ولار زاڭنىڭ جوعارىدا اتالعان بابىندا جازىلعان.
زاڭنىڭ 24-بابى 3) ت ت. سايكەس، كاسىپكەر تۇتىنۋشىعا دەمالىس ايماعىنىڭ اۋماعىنا قولدا بار جانە زاڭدى تۇردە ساتىپ الىنعان بارلىق مۇلىكتەرمەن ەركىن كىرۋدى قامتاماسىز ەتۋگە مىندەتتى، ەگەر زاتتار مورالدىق نەگىزدەردى بۇزباسا جانە ت. ب. , اسىرەسە مۇنداي تاۋارلار دەمالىس ايماعىنىڭ اۋماعىندا ساتىلسا، مۇنداي تىيىم سالۋعا جول بەرىلمەيدى.
باياندالعان قۇقىق بۇزۋشىلىقتىڭ قۇرامى بولعان كەزدە تۇتىنۋشى ا ق ب ت ك- ءنىڭ 163-بابىنىڭ 2-بولىگى بويىنشا جوسىقسىز كاسىپكەردى جاۋاپقا تارتۋ ءۇشىن بقدا اۋماقتىق دەپارتامەنتىنە تىكەلەي جۇگىنە الادى، وعان سايكەس 200 ا ە ك- تەن 1500 ا ە ك- كە دەيىن ايىپپۇل كوزدەلگەن نەمەسە وسى ماسەلە بويىنشا تۇتىنۋشىلاردىڭ قۇقىقتارىن قورعاۋ سالاسىنداعى سالاارالىق ۇيلەستىرۋشى رەتىندە كونسۋلتاتسيا جانە قۇقىقتىق كومەك الۋ ءۇشىن س ي م- نىڭ اۋماقتىق س ج ت ق ق د جۇگىنۋگە بولادى.
بۇعان قوسا، تۇتىنۋشى باسقا كاسىپكەرلەردەن ساتىپ العان تاماق پەن سۋسىنداردى پايدالانۋعا تىيىم سالۋ دەمالىس ايماعىنىڭ باسەكەلەستىككە قارسى ارەكەتى بولىپ تابىلاتىندىعىن اتاپ ءوتۋ ماڭىزدى (ق ر كاسىپكەرلىك كودەكسىنىڭ 177-ب. 1-ت. , 2-ت. 6) جانە 8) ت ت. ) .
ايتا كەتۋ كەرەك، قازىرگى ۋاقىتتا ق ر س ي م تۇتىنۋشىلاردىڭ قۇقىقتارىن قورعاۋ كوميتەتى جوسىقسىز كاسىپكەرلەردى اكىمشىلىك جاۋاپقا تىكەلەي تارتۋ ءۇشىن تۇتىنۋشىلاردىڭ قۇقىقتارىن بۇزاتىن نەمەسە ولارعا قىسىم جاسايتىن شارتتاعى (اۋىزشا نەمەسە جازباشا) تالاپتار ءۇشىن اق ب ت ك - عا سانكتسيانى تولىقتىرۋ بويىنشا جۇمىس جۇرگىزۋدە، - دەپ قوستى ول.
رەداكتور:
ايدار وسپاناليەۆ
