ەلوردا جاستارى تۇرعىن ءۇي باعدارلاماسىنا ءوتىنىم قابىلداۋ باستالادى
«ەلوردا جاستارى» - قالا اكىمدىگى مەن وتباسى بانكتىڭ («بايتەرەك» حولدينگىنىڭ ەنشىلەس ۇيىمى) بىرلەسكەن جوباسى.
باعدارلاما جەڭىلدىكپەن نەسيە الۋعا مۇمكىندىك بەرەدى. وعان قاتىسا الادى: جاس مۇعالىمدەر، دارىگەرلەر، جۋرناليستەر، مادەنيەت سالاسىنىڭ قىزمەتكەرلەرى، سپورتشىلار، ج و و ۇستازدارى مەن عىلىمي قىزمەتكەرلەر، الەۋمەتتىك سالا مەن كوممۋنالدىق قىزمەت قىزمەتكەرلەرى، پوليتسيا دەپارتامەنتى مەن توتەنشە جاعدايلار دەپارتامەنتى قىزمەتكەرلەرى، سونداي- اق استانا قالاسى بويىنشا تۇرعىن ءۇي كەزەگىندە تۇرعان جەتىم بالالار.
قارىز الۋشىلاردىڭ جاسى 35-تەن اسپاۋى ءتيىس.
اتالمىش باعدارلامانى جۇزەگە اسىرۋعا استانا قالاسى اكىمدىگى 1,5 ميلليارد تەڭگە، وتباسى بانك 1,5 ميلليارد تەڭگە ءبولىپ وتىر. بۇل قاراجاتقا 200-گە جۋىق تۇرعىن باسپانالى بولادى دەپ كۇتىلۋدە.
الەۋەتتى قارىز الۋشىلاردىڭ ءتىزىمىن جەرگىلىكتى اتقارۋشى بيلىك قالىپتاستىرادى.
وتىنىشتەر qatysu.zhilfond.kz سايتىندا 2023 -جىلدىڭ 30- مامىرى ساعات 9:00 باستاپ، 6- ماۋسىم ساعات 23:59 دەيىن قابىلدانادى. اۆتوريزاتسيادان ءوتۋ ءۇشىن ەلەكتروندى سيفرلىق قولتاڭبا قاجەت.
وتىنىمدەردى قابىلداۋ مەرزىمى اياقتالعان سوڭ قاتىسۋشىلاردى ىرىكتەۋ باستالادى. ۇمىتكەرلەر پۋلى بالدىق جۇيە بويىنشا قالىپتاسادى، وندا - ەڭبەك ءوتىلى، ءوتىنىش بەرۋشىنىڭ 1, 2, 3- مۇگەدەكتىك توبىنا جاتاتىن- جاتپايتىنىن (ەرلى- زايىپتىنىڭ نەمەسە بالالارىنىڭ ءبىرى) ەسكەرىلەدى.
پۋل قۇرىلعاننان كەيىن ونىڭ قاتىسۋشىلارى وتباسى بانكىنەن نەسيە الۋعا جولداما الادى.
بانك باعدارلاما قاتىسۋشىسىنىڭ تولەم قابىلەتتىلىگىن تەكسەرىپ، جىلدىق 5 پايىزبەن (ج ت س م % 5,2 باستاپ) جەڭىلدەتىلگەن نەسيە بەرەدى. العاشقى جارنا - % 10. ەلوردالىق جاس تۇرعىندارعا بەرىلەتىن نەسيەنىڭ ەڭ جوعارى سوماسى - 18 ميلليون تەڭگە، مەرزىمى - 25 جىلعا دەيىن. ونىڭ كومەگىمەن باستاپقى نەمەسە قايتالاما نارىقتان، سونداي- اق «قازاقستان تۇرعىن ءۇي كومپانياسى» ا ق- نىڭ كەپىلدەمەسىمەن ۇلەستىك قاتىسۋ شارتى بويىنشا سالىنىپ جاتقان ۇيدەن باسپانا ساتىپ الۋعا بولادى.
