سۋ تاسقىنى سالدارىنان سولتۇستىك يتاليا ايماقتارىندا دابىلدىڭ «قىزىل دەڭگەيى» جاريالاندى
وسى اپتانىڭ باسىندا يتاليانىڭ سولتۇستىك- شىعىسىنداعى سۋ تاسقىنى 14 ادامنىڭ ءومىرىن قيدى. كەڭ اۋماقتار ءالى دە سۋ استىندا، ال كوشكىندەر، اسىرەسە اپەننين تاۋ بوكتەرىندەگى اۋدانداردا ۇلكەن پروبلەما تۋدىرۋدا.
ەميليا- رومانيا گۋبەرناتورىنىڭ ورىنباسارى جانە ازاماتتىق قورعانىس بولىمشەسىنىڭ باسشىسى يرەن پريولو ايماقتاعى 100 گە جۋىق مۋنيتسيپاليتەت سۋ تاسقىنىنان زارداپ شەككەنىن، بۇل 2012 -جىلى ايماقتا بولعان جويقىن جەر سىلكىنىسىنەن زارداپ شەككەندەردەن ءۇش ەسە كوپ ەكەنىن حابارلادى.
سۋ تاسقىنى سالدارىنان ەۆاكۋاتسيالانعان تۇرعىندار سانى 36 مىڭنان اسقان.
ولاردىڭ كوپشىلىگى - 27775 ادام راۆەننا پروۆينتسياسىنداعى ۇيلەرىن تاستاپ كەتۋگە ءماجبۇر بولدى، مۇندا جاعداي تىم اۋىر، ويتكەنى كەيبىر اۋدانداردا اۋىز سۋ مەن ازىق- تۇلىك جەتىسپەيدى.
شەتەلدىك عالىمداردىڭ پايىمداۋىنشا، اۋا رايىنىڭ ىستىق تولقىنى، قاتتى داۋىل، سۋ تاسقىنى جانە قۇرعاقشىلىق سياقتى ەكسترەمالدى قۇبىلىستار ادام بالاسىنىڭ پارنيكتىك گازدار شىعارىندىلارىنان تۋىنداعان كليماتتىڭ وزگەرۋىنە بايلانىستى ءجيى جانە قارقىندى بولىپ كەلەدى.
