يتاليا ۇكىمەتى باسشىسىنىڭ استاناعا جوسپارلانعان جۇمىس ساپارى بولمايدى

بۇل تۋرالى ق ر پرەزيدەنتى اكىمشىلىگى باسشىسىنىڭ ورىنباسارى - پرەزيدەنتتىڭ ءباسپاسوز حاتشىسى رۋسلان جەلدىباي مالىمدەدى، دەپ حابارلايدى قازاقپارات.

«ەميليا- رومانيا ايماعىندا بولعان جويقىن سۋ تاسقىنى سالدارىنان كوپتەگەن ادامنىڭ قازا تابۋىنا بايلانىستى يتاليا پرەمەر- ءمينيسترى دجوردجا مەلوني تابيعات اپاتىنان زارداپ شەككەن وڭىرلەرگە بارۋ ءۇشىن حيروسيمادا ءوتىپ جاتقان G7 سامميتىنە سوڭىنا دەيىن قاتىسپاي، ەلىنە قايتىپ بارادى.

كەلىپ تۇسكەن مالىمەت بويىنشا يتاليانىڭ سولتۇستىگىندە كەم دەگەندە 40 تان استام ەلدى مەكەن سۋ استىندا قالىپ، 20 مىڭنان استام ادام باسپاناسىنان ايىرىلدى.

وسى سەبەپكە بايلانىستى يتاليا ۇكىمەتى باسشىسىنىڭ استاناعا الدىن جوسپارلانعان جۇمىس ساپارى بولمايدى»، - دەپ جازدى رۋسلان جەلدىباي الەۋمەتتىك جەلىدەگى رەسمي پاراقشاسىنا.

ونداعى دەرەككە قاراعاندا، يتاليا تاراپى پرەزيدەنت قاسىم- جومارت توقايەۆ پەن دجوردجا مەلونيدىڭ تەلەفون ارقىلى سويلەسۋىن ۇيىمداستىرۋدى سۇراعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى