باسپانا نارىعىندا مامىلە جاساسۋ ءبىرشاما جانداندى - ساراپشى پىكىرى
بۇل جايىندا قازاقستان ريەلتورلارىنىڭ بىرلەسكەن قاۋىمداستىعى پرەزيدەنتىنىڭ كەڭەسشىسى نينا لۋكيانەنكو ايتتى، دەپ حابارلايدى قازاقپارات ءتىلشىسى.
«مامىلەلەر سانىنىڭ مۇنداي ارتۋى ولاردىڭ قاڭتار، اقپان، ناۋرىز ايى بويى تومەندەۋ اياسىندا ورىن الىپ وتىر. بۇل اسەردىڭ بولارى ايقىن ءارى تۇسىنىكتى دە. كوپشىلىگى دەپوزيتتەرگە اقشالاي وتەماقىنىڭ ءتۇسۋىن كۇتۋ كەزەڭىندە مامىلە جاساۋدى كەيىنگە قالدىرىپ، سۇرانىستى كەيىنگە قالدىردى»، - دەدى ول اگەنتتىك تىلشىسىنە تەلەفون ارقىلى بەرگەن سۇحباتىندا.
ونىڭ دەرەگىنشە، جاڭادان سالىنىپ جاتقان ۇيلەردەگى دە، قايتالاما نارىقتاعى دا پاتەرگە سۇرانىس ساقتالىپ وتىر.
«دەگەنمەن، مامىلە سانىنىڭ تومەندەۋى اياسىندا جالپى شىم- شىتىرىق جايت بار. ويتكەنى، ساتىپ الۋشىلار ساتۋشىنىڭ ءوز نىسانىن ساۋدالاۋعا قويعان شارتتارىمەن الۋعا دايىن ەمەس. جاريالانعان حابارلاندىرۋداعى باعادا دا ۇلكەن ايىرماشىلىق بار. الايدا، مۇندا تۇرعان توسىن ەشتەڭە دە جوق. ەندى بىرنەشە ايدان كەيىن ءبارىن ءوز ورنىنا كەلەدى. اي سايىنعى مامىلەلەر سانى 30 مىڭنىڭ ار جاق، بەر جاعىندا بولادى»، - دەدى نينا لۋكيانەنكو.
