جىلدامدىق اسىراتىن جۇرگىزۋشىلەرگە قارسى جاڭا جۇيە ەنگىزىلىپ جاتىر
«بۇگىندە ونداعان، ءتىپتى جۇزدەگەن مىڭ ۆيدەوكامەرا بار جانە ولاردىڭ ءارقايسىسىنداعى اقپاراتتى تالداۋ مۇمكىن ەمەس. سوندىقتان دا ۆيدەوتالداۋ جۇيەسى بولۋى قاجەت. بۇگىندە ول ءى ءى م جەدەل باقىلاۋ ورتالىعىنىڭ بازاسىندا قۇرىلىپ جاتىر. ول قانشالىقتى ناقتى بولعان سايىن، قۇقىقتىق ءتارتىپتىڭ جاقسارۋى دا سونشالىقتى ءتيىمدى بولا تۇسەدى. 10 مونيتوردى قاداعالاپ وتىرعان ادامنىڭ جۇمىس تيىمدىلىگى 15 مينۋتتان كەيىن 10 پايىزعا دەيىن قۇلدىرايتىندىعى دالەلدەنگەن»، - دەدى مينيستر «جاساندى ينتەللەكت جانە سوت پەن قۇقىق قورعاۋ جۇيەسىندەگى ۇلكەن دەرەكتەر: شىندىق جانە ۋاقىت تالابى» اتتى حالىقارالىق عىلىمي- تاجىريبەلىك كونفەرەنتسيا بارىسىندا.
ونىڭ اتاپ وتۋىنشە، سوندىقتان دا ۆيدەوتالداۋ جۇيەسى ءبىزدىڭ كۇندەلىكتى ومىرىمىزگە مىندەتتى تۇردە ەنگىزىلۋى كەرەك.
«جول پوليتسيالارىنا ايىپپۇل جازىپ بەرۋ ءۇشىن بەرىلگەن قاراپايىم پلانشەت پريەۆەنتيۆتى تالداۋ، پريەۆەنتيۆتى جۇمىس قۇرالىنا اينالۋى ءتيىس. ادام 10 كامەرا تۇسىنان ساعاتىنا 200 شاقىرىممەن ءوتىپ، ايىپپۇل تولەگەن سوڭ جونىنە كەتە بەرەتىن جايتتار ءجيى بولادى. مۇنداي جايتتىڭ الدىن الۋ ءۇشىن نە ىستەۋ كەرەك؟ ەگەر، ادام 3-4 كامەرا تۇسىنان وتە جوعارى جىلدامدىقپەن وتسە، وندا سول جەردە تۇرعان جاساقتان اقپارات بىردەن پلانشەتكە ءتۇسۋى ءتيىس. اۆتوموبيل قانداي كوشە قيىلىسىندا بولاتىندىعى كورسەتىلىپ، كەلەسى جاساق ونى توقتاتۋى قاجەت. قازىردىڭ وزىندە ءىء ى م- مەن مۇنداي ازىرلەمەنى سىناقتان وتكىزىپ جاتىرمىز جانە ول ءوزىن وڭ جاعىنان كورسەتىپ وتىر»، - دەدى باعدات مۋسين.
