رەسپۋبليكا اۋماعىندا«اداي» قازاق جىلقىسىنىڭ تارالۋىنا ەش شەكتەۋ جوق
«2022 -جىلعى قازاندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسىل تۇقىمدى مال شارۋاشىلىعى جانە بيووتىن اينالىمى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭمەن رەسپۋبليكالىق پالاتالار اسىل تۇقىمدى مال شارۋاشىلىعى سالاسىنداعى مەملەكەتتىك باقىلاۋ سۋبەكتىلەرىنىڭ تىزبەسىنە كىردى. وسىلايشا، رەسپۋبليكالىق پالاتالار «اسىل تۇقىمدى مال شارۋاشىلىعى تۋرالى» زاڭنىڭ تالاپتارىن بۇزعان جاعدايدا، مەملەكەتتىك ينسپەكتورلار سەلەكتسيالىق جانە اسىل تۇقىمدىق جۇمىستى جۇرگىزۋ جانە ۇيلەستىرۋ، اسىل تۇقىمدى مال باسىن ەسەپكە الۋدى ۇيىمداستىرۋ، اسىل تۇقىمدى ونىمگە (ماتەريالعا) اسىل تۇقىمدىق كۋالىكتەردى بەرۋدى (جويۋدى) جۇزەگە اسىرۋ بولىگىندە ءتيىستى تەكسەرۋلەر مەن پروفيلاكتيكالىق بايقاۋلار جۇرگىزەتىن بولادى»، - دەپ اتاپ وتەدى ۇكىمەت باسشىسى جاۋابىندا.
پرەمەر- ءمينيستردىڭ دەرەگىنشە، قازىرگى ۋاقىتتا ماڭعىستاۋ وبلىسىندا «اداي» تيپىندەگى 1,6 مىڭ قازاق جىلقىسى شوعىرلانعان.
«بۇل رەتتە رەسپۋبليكا اۋماعىندا وسى تۇقىمنىڭ تارالۋىنا قانداي دا ءبىر شەكتەۋلەر جوق. جالپى، اسىل تۇقىمدى مال شارۋاشىلىعىن دامىتۋ، ونىڭ ىشىندە «اداي جىلقىسى» تۇقىمىن دامىتۋ جانە جەتىلدىرۋ ماسەلەسى ۇكىمەتتىڭ باقىلاۋىندا»، - دەدى ءاليحان سمايىلوۆ.
