جىل باسىنان جارتى ميلليوننان استام قازاقستاندىق تۋريست وزبەكستانعا بارعان

وزبەكستاننىڭ مەملەكەتتىك ستاتيستيكا كوميتەتىنىڭ مالىمەتىنشە، 2023 -جىلدىڭ قاڭتار- ءساۋىر ايلارىندا وزبەكستانعا تۋريستىك ماقساتتا 2019,4 مىڭ شەتەلدىك ازامات كەلگەن. تۋريزم اعىنىنىڭ كوشباسشىلارى ۇشتىگىندە وزبەكستانمەن كورشىلەس ەلدەر تۇر.

ءبىرىنشى ورىندا تاجىكستان - 623,8 مىڭ تۋريست. قازاقستان 558,8 مىڭ تۋريستپەن ەكىنشى ورىندا. قىرعىزستان 487,7 مىڭ اداممەن كوشباسشىلار ۇشتىگىن تۇيىقتاعان.

رەسەي فەدەراتسياسىنان كەلگەن قوناقتار اعىنى - 207,7 مىڭ ادام. الىس شەتەلدەن 141,4 مىڭ تۋريست كەلگەن، ونىڭ ىشىندە تۇركيادان - 29,7 مىڭ، وڭتۇستىك كورەيادان - 9,2 مىڭ، ءۇندىستاننان - 8,3 مىڭ، قىتايدان - 6,3 مىڭ تۋريست.

بۇعان دەيىن حابارلانعانداي، وتكەن جىلى 1,5 ميلليوننان استام قازاقستاندىق كورشى رەسپۋبليكاعا بارىپ، وزبەكستاننىڭ بارلىق تۋريستىك اعىنىنىڭ ۇشتەن ءبىرىن العان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى