قازاقستاندىقتار كوبىندە الماتى، بۋراباي، ماڭعىستاۋ جانە الاكولگە ساياحاتتايدى

وسىنىڭ ارقاسىندا قازاقستاننىڭ قوناق ۇيلەرى 102 ميلليارد تەڭگەدەن استام تابىس تاپتى، دەپ حابارلايدى قازاقپارات.

مادەنيەت جانە سپورت مينيسترلىگى مالىمەتىنشە، كورسەتىلگەن قىزمەت كولەمى 2021-جىلمەن سالىستىرعاندا ەكى ەسەگە جۋىق وسكەن.

سونداي-اق كۋرورتتى ايماقتارداعى توسەك-ورىن سانى 102 مىڭنان 106 مىڭعا دەيىن ارتتى.

پاندەمياعا دەيىنگى دەڭگەيمەن سالىستىرعاندا قازاقستاننىڭ كۋرورتتى ايماقتارىندا تۋريستەر سانى ءۇش ەسە، ال كورسەتىلگەن قىزمەتتەر كولەمى 6 ەسە ءوستى.

بۇل رەتتە ساياحاتشىلار كوبىنە الماتى تاۋ كلاستەرىندە، بۋرابايدا، ماڭعىستاۋ كۋرورتتى ايماعىندا جانە الاكول كولىنىڭ جاعالاۋىندا توقتايتىنىن ايتا كەتكەن ءجون.

«قازىرگى ۋاقىتتا ەڭ تانىمال باعىتتار بويىنشا تۋريستىك ينفراقۇرىلىمدى دامىتۋدا بەلسەندى جۇمىس جۇرگىزىلىپ وتىر. ءبىزدىڭ ماقساتىمىز - بىرنەشە جىل ىشىندە ىشكى تۋريستەردىڭ جالپى سانىن 11 ميلليون ادامعا دەيىن، ال كىرەتىن تۋريستەردى - 4 ميلليون ادامعا دەيىن ۇلعايتۋ ءۇشىن كۋرورتتار مەن دەمالىس ايماقتارىنىڭ قولجەتىمدىلىگىن، سونداي-اق سىيىمدىلىعىن ارتتىرۋ، اتاپ ايتقاندا، قازىر جاڭا نىساندار سالىنىپ جاتىر، ال تۋريزم سالاسىنداعى كاسىپكەرلەر سۋبسيديا الىپ كەلەدى»، - دەپ اتاپ ءوتتى ق ر م س م تۋريزم يندۋسترياسى كوميتەتىنىڭ ءتوراعاسى داستان رىسپەكوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى