قازاقستاندىق بەس بوكسشى الەم چەمپيوناتىنىڭ فينالىنا شىعۋ ءۇشىن تالاسادى

قازاقستاندىقتاردان استانا ۋاقىتىمەن ساعات 15.00-دە باستالاتىن كۇندىزگى سەسسيادا العاشقى بولىپ سانجار تاشكەنباي شىعادى.

سانجار اسا جەڭىل سالماقتا رەسەيدىڭ ءتورت دۇركىن چەمپيونى ەدموند حۋدويانمەن قولعاپ تۇيىستىرەدى.

ىلە- شالا ماحمۇد سابىرحان 54 كەلىگە دەيىنگى سالماقتا 2017 -جىلعى الەم چەمپيونى ءارى ەكى مارتە جۇلدەگەرى، كۋبالىق يوسۆاني ۆەيتيامەن فينالعا شىعۋ شىعۋ تالاسادى.

دۋلات بەكباۋوۆقا (67 ك گ) گرۋزيالىق لاشا گۋرۋلي قارسى تۇرماق.

ساعات 19.00-دە باستالاتىن كەشكى سەسسيادا ۇلتتىق قۇراما كاپيتانى اسلانبەك شىمبەرگەنوۆ (71 ك گ) ءۇندىستاندىق نيشانت ديەۆتەن وتۋگە تىرىسپاق. ال نۇربەك ورالباي (80 ك گ) توكيو وليمپياداسىنىڭ قولا جۇلدەگەرى، رەسەيلىك يمام حاتايەۆپەن جۇدىرىقتاسادى.

ەسكە سالا كەتەيىك، بۇدان بۇرىن قىتاي قازاعى توقتاربەك تاڭاتحاننىڭ ەكى دۇركىن وليمپيادا جەڭىمپازىن ۇتقانىن جازعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى