مەملەكەت باسشىسى قاسىم-جومارت توقايەۆ ۆلاديمير پۋتينمەن كەزدەسۋ وتكىزدى
بۇل تۋرالى پرەزيدەنتتىڭ باسپا ءسوز حاتشىسى رۋسلان جەلدىباي ءمالىم ەتتى، دەپ حابارلايدى قازاقپارات ءتىلشىسى.
كەزدەسۋ بارىسىندا مەملەكەت باسشىسى قاسىم-جومارت توقايەۆ رەسەي پرەزيدەنتى ۆلاديمير پۋتينمەن ەكىجاقتى ىنتىماقتاستىقتىڭ وزەكتى ماسەلەلەرىن تالقىلادى.
سونداي-اق، ءوزارا قۇرمەت پەن ەكى ەل حالىقتارىنىڭ مۇددەسىنە نەگىزدەلگەن ساۋدا-ەكونوميكالىق، مادەني- گۋمانيتارلىق بايلانىستاردىڭ ماڭىزدى باعىتتارى بويىنشا سەرىكتەستىكتى ودان ءارى دامىتۋ قاجەتتىگى اتاپ ءوتىلدى.
ەسكە سالايىق، بۇگىن مەملەكەت باسشىسى جەڭىستىڭ 78 جىلدىعىنا وراي ماسكەۋدەگى قىزىل الاڭدا وتكەن اسكەري پارادقا باردى. سونداي-اق، بەلگىسىز جاۋىنگەر بەيىتىنە گۇل شوعىن قويۋ راسىمىنە قاتىستى.
