شىلدە ايىندا ش ى ۇ ەلدەرىنىڭ پرەزيدەنتتەرى نيۋ- دەليدە باس قوسادى
كەزدەسۋدىڭ كۇن تارتىبىندە 2023 -جىلعى شىلدەدە نيۋ- دەليدە وتەتىن ش ى ۇ- عا مۇشە مەملەكەتتەر باسشىلارى كەڭەسىنىڭ وتىرىسىنا دايىندىق ماسەلەلەرى باستى نازاردا بولدى. سامميتتە كوپجاقتى ىنتىماقتاستىقتى ودان ءارى دامىتۋدىڭ جاي- كۇيى مەن پەرسپەكتيۆالارىن قاراستىرۋ، قازىرگى كەزەڭدە ش ى ۇ قىزمەتىن كەڭەيتۋ جونىندەگى باسىمدىقتار مەن پراكتيكالىق شارالاردى ايقىنداۋ جوسپارلانۋدا.
م. نۇرتىلەۋ ۇيىمنىڭ الەۋەتىن ودان ءارى نىعايتۋ جانە ىسكە اسىرۋ بويىنشا جۇيەلى جۇمىس جۇرگىزۋدەگى ءۇندىستاننىڭ ءتوراعالىعىنا جوعارى باعا بەردى. ش ى ۇ الدىندا ۇيلەسىمدى وڭىرلىك كووپەراتسيا جانە ۇيلەستىرىلگەن تاسىلدەر ارقىلى قارقىندى وزگەرىپ جاتقان الەمدىك احۋالعا دەن قويۋدىڭ ءتيىمدى تاسىلدەرىن تابۋ جونىندە ماڭىزدى ستراتەگيالىق مىندەت تۇرعانىن اتاپ ءوتتى.
سونداي- اق قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ باستاماسىمەن ۇيىمنىڭ قىزمەتىن جەتىلدىرۋ پروتسەسىن ىلگەرىلەتۋ بويىنشا باستالعان پراكتيكالىق قادامدار تۋرالى پىكىر الماسۋ بولدى.
ش ى ۇ- عا مۇشە مەملەكەتتەردىڭ سىرتقى ساياسي ۆەدومستۆولارىنىڭ باسشىلارى دەلي دەكلاراتسياسى سامميتىنىڭ نەگىزگى قورىتىندى قۇجاتىنىڭ جوباسىن قارادى. ارىپتەستىك ۇيىمدار شەڭبەرىن كەڭەيتۋ، سونداي- اق ساياسات، قاۋىپسىزدىك، ەكونوميكا جانە مادەني- گۋمانيتارلىق بايلانىستار سالاسىنداعى كوپجاقتى ىنتىماقتاستىقتى ودان ءارى كەڭەيتۋ ماسەلەلەرىن كوزدەيتىن شەشىمدەر مەن قۇجاتتاردى پىسىقتاۋ بارىسىن تالقىلادى.
سونداي- اق مۇرات نۇرتىلەۋ شانحاي ىنتىماقتاستىعى ۇيىمىنا مۇشە مەملەكەتتەر سىرتقى ىستەر مينيسترلەرى كەڭەسىنىڭ وتىرىسى اياسىندا ءۇندىستاننىڭ سىرتقى ساياسات ۆەدومستۆوسىنىڭ باسشىسى سۋبرامانيام دجايشانكارمەن كەلىسسوز جۇرگىزدى.
تاراپتار ساياسي، ساۋدا- ەكونوميكالىق جانە مادەني- گۋمانيتارلىق سالالارداعى قازاقستان- ءۇندىستان ىنتىماقتاستىعىن دامىتۋدىڭ قازىرگى جاعدايى مەن پەرسپەكتيۆالارىن تالقىلادى. 2022 -جىلدىڭ قورىتىندىسى بويىنشا 2,5 ملرد ا ق ش دوللارىنا جەتكەن ەكى جاقتى ساۋدا اينالىمنىڭ جاعىمدى قارقىنى قاناعاتتانۋشىلىقپەن اتالىپ ءوتتى.
مينيستر م. نۇرتىلەۋ ساۋدا- ەكونوميكالىق قاتىناستى كەڭەيتۋ مەن ءارتاراپتاندىرۋ، سونداي- اق ءوزارا قىزىعۋشىلىق تۋدىراتىن بىرلەسكەن جوبالاردى ىسكە اسىرۋدىڭ ماڭىزدىلىعىن ەرەكشە اتادى.
ءۇندىستاننىڭ سىرتقىساياسي ۆەدومستۆوسىنىڭ باسشىسى س. دجايشانكار كوپقىرلى ىنتىماقتاستىقتى ودان ءارى تەرەڭدەتۋگە قىزىعۋشىلىق بىلدىرە وتىرىپ، ەكى جاقتى قارىم- قاتىناستى دامىتۋ ءۇشىن كۇش جىگەر جۇمسايتىنىن ايتىپ كەتتى.
قازاقستان س ءى م باسشىسى ش ى ۇ باس حاتشىسى جان مينمەن دە كەلىسسوزدەر وتكىزىپ، ىنتىماقتاس تىق ماسەلەلەرىن تالقىلادى. وعان قوسا م. نۇرتىلەۋ ش ى ۇ- داعى كوپجوسپارلى ىنتىماقتاستىقتى ىلگەرىلەتۋدەگى حاتشىلىقتىڭ ماڭىزدى ءرولىن اتاپ ءوتتى جانە ونىڭ حالىقارالىق بەدەلىن جوعارىلاتۋىن قولدادى.
قازاقستاننىڭ ش ى ۇ- داعى الداعى ءتوراعالىعىنىڭ نەگىزگى باسىمدىقتارىن بىرلەسىپ ىلگەرىلەتۋ بويىنشا ۋاعدالاستىققا قول جەتكىزىلدى. ونىڭ ىشىندە ۇيىمنىڭ حالىقارالىق بايلانىستارىن كەڭەيتۋ، قىزمەتىن ودان ءارى جەتىلدىرۋ سالالارى قامتىلدى.
