ەرتە پىسكەن جەمىس-جيدەك پەن كوكونىستى ابايلاپ جەڭىز - سانيتار ماماندار
كوكتەمنىڭ سوڭى مەن جاز ايلارى - كوپتەگەن اۋىل شارۋاشىلىعى داقىلدارىنىڭ پىسەتىن ۋاقىتى. بازارلاردا كوكونىس پەن جەمىستىڭ تۇرلەرى كوپ.
ەرتە پىسكەن كوكونىستەر مەن جەمىستەر اۋىر ۋلانۋعا اكەلۋى مۇمكىن.
بۇل ورگانيزمنىڭ «جەدەلدەتىلگەن رەجيمدە» وسىرىلگەن كوكونىستەردە بەلگىلى ءبىر مولشەردە كەزدەسەتىن پەستيتسيدتەر مەن نيتراتتارمەن قانىعۋىنا بايلانىستى بولۋى مۇمكىن.
جوسىقسىز وندىرۋشىلەر تىڭايتقىشتاردىڭ رۇقسات ەتىلگەن دوزالارىن ادەيى اسىرادى، ناتيجەسىندە كوكونىستەر مەن جەمىستەر تارتىمدى كورىنەدى، ءبىراق ءارقاشان ءدامدى ءارى پايدالى بولا بەرمەيدى.
نيتراتتار، ازوت قىشقىلىنىڭ تۇزدارى ادام اعزاسىندا، كەيدە توڭازىتقىشتىڭ ىشىندە نيتريتتەرگە، ازوت قىشقىلىنىڭ تۇزدارىنا اينالادى، ال وسى سوڭعىلارى وتە زيان.
ماسەلە نيتراتتاردىڭ بولۋىندا ەمەس، ولاردىڭ مولشەرى مەن كونتسەنتراتسياسىندا.
از مولشەردە نيتراتتاردى جانە ودان دا از نيتريتتەردى اعزامىز قىسقا ۋاقىت ىشىندە شىعارا الادى، ءبىراق اعزا ولارمەن قانىعاتىن بولسا، بۇل ۋلانۋدىڭ اۋىر تۇرلەرىنە اكەپ سوعادى.
كوبىنەسە نيتراتتاردىڭ كوپ مولشەرى قىزىلشا، كادى، قىرىققابات، شوپتەر، شالعام، قاربىز جانە قاۋىندا كەزدەسەدى.
اسىرەسە ەرتە پىسكەن كوكونىستەر مەن جەمىستەردى تۇتىنعاندا اباي بولۋ كەرەك.
«قاربىز بەن قاۋىن سورەلەردە ماۋسىم ايىندا پايدا بولادى، وسى جاعدايدىڭ ءوزى قاۋىپتى، سەبەبى نيتراتتارمەن ۋلانۋ ىقتيمالدىعى وتە جوعارى! ەڭ «جىلدام» سۇرىپتاردىڭ ءوزى شىلدە ايىنىڭ سوڭىنا قاراي پىسە باستايدى. تامىزدىڭ سوڭىنان باستاپ قازانعا دەيىن - جاقسى پىسكەن قاربىز بەن قاۋىندى تۇتىنۋدىڭ ەڭ قولايلى ۋاقىتى» دەپ ەسكەرتەدى سانيتار ماماندار.
ۋلانۋدىڭ العاشقى بەلگىلەرى: تەز شارشاۋ، باستىڭ قاتتى اۋىرۋى، جۇرەك اينۋ، قۇسۋ جانە ديارەيا، كەيبىر جاعدايلاردا تەمپەراتۋرا، قۇرىسۋلار جانە بۋىنداردىڭ اۋىرۋى مۇمكىن.
ۋاقتىلى ەمدەۋ ءۇشىن دارىگەرمەن كەڭەسۋ كەرەك.
قاراپايىم كەڭەستەر نيترات مولشەرىن ازايتۋعا جانە ءقاۋىپسىز تاعام ازىرلەۋگە كومەكتەسەدى:
- كوكونىستەر مەن جەمىستەردى بەي- بەرەكەت ۇيىمداستىرىلعان جەرلەردەن ساتىپ الماڭىز؛
- ەرتە پىسكەن كوكونىستەردى ساتىپ الۋدان اۋلاق بولىڭىز؛
- ساتىپ الىناتىن ءونىمنىڭ قاۋىپسىزدىگىن راستايتىن قۇجاتتاردى تالاپ ەتىڭىز؛
- نيتراتتاردىڭ تۇتىنىلاتىن دوزاسىن ازايتۋ ءۇشىن كوكونىستەر مەن جەمىستەردى قابىعىنان، تامىرىنان (كوكونىستەردە)، ساباقتارىنان (اقجەلكەن، اسكوك، بالدىركوك، قىرىققابات) تازارتىڭىز.
تامىر جەمىستەرىن جانە جاپىراقتاردى ءبىر-ەكى ساعات سۋعا سالىپ قويۋ ارقىلى نيتراتتاردى «جۋىپ تاستاۋعا» بولادى. نيتراتتاردىڭ مولشەرىن ازايتۋ تۇرعىسىنان جەمىستەردى دايىنداۋدىڭ ەڭ ءتيىمدى ءادىسى - ءپىسىرۋ.
ەرتە پىسكەن جەمىس-جيدەكتەرگە، كوكونىستەرگە ساقتىقپەن قاراۋ كەرەك. دۇرىس تاماقتانۋ سالاۋاتتى ءومىردىڭ كەپىلى ەكەنىن ۇمىتپاعان ءجون.
