قىتاي ەلشىسى ۆيزاسىز رەجيمگە قاتىستى پىكىر ءبىلدىردى
قازاقستانداعى قىتاي ەلشىسى جاڭ شياۋ ۆيزاسىز رەجيمگە قاتىستى پىكىر ءبىلدىردى، دەپ حابارلادى Halyq Uni.
بۇعان دەيىن «اشىق ن ق ا» پورتالىندا قازاقستان مەن قىتاي ۇكىمەتتەرىنىڭ ۆيزالىق تالاپتاردان ءوزارا بوساتۋ تۋرالى كەلىسىم جوباسى اشىق تالقىلاۋعا شىعارىلعان بولاتىن.
قازاقستان مەن قىتاي ۆيزا بەرۋ ءتارتىبىن جەڭىلدەتەدى. بۇل ماسەلە مەملەكەتتىك دەڭگەيدە تالقىلانىپ جاتىر، - دەدى جاڭ شياۋ كەشەگى وتكەن قازاقستان حالقى اسسامبلەياسىنىڭ سەسسياسىنان سوڭ.
جۋرناليست ەلشىگە «جىل سوڭىنا دەيىن ماسەلە شەشىلە مە؟» دەپ سۇراعىن ناقتىلاپ قايتا قويدى.
«سولاي بولاتىنىنان زور ءۇمىتىمىز بار»، - دەپ جاۋابىن قىسقا قايىردى ول.
ايتا كەتەيىك، س ءى م قىتاي ازاماتتارىنىڭ قازاقستاندا ۆيزاسىز 30 كۇن ءجۇرۋ ماسەلەسى قارالىپ جاتقانىن حابارلاعان ەدى.
