بيىل جازدا استانادان الاكولگە «تالگو» پويىزى قاتىنايدى

«جازعى كەزەڭگە جولاۋشى تاسىمالدايتىن 1930 ۆاگون دايىنداپ قويدىق. بىيل جازدا قوسىمشا 6 جازعى مارشرۋت ۇيىمداستىرامىز. نەگىزگى باعىتتار، ارينە، الاكولدەگى كۋرورتتىق ايماقتاردى دامىتۋ. ءبىز ءتيىستى مينيسترلىكتەرمەن، Kazakh Tourism جانە «اتامەكەن» ۇلتتىق كاسىپكەرلەر پالاتاسىمەن، سونداي-اق، تۋريستىك اگەنتتىكتەرمەن بىرگە تۋريستىك ايماقتاردى دامىتۋ باعىتىندا ناقتى جۇمىس جۇرگىزىپ كەلەمىز. سونىڭ ىشىندە الاكول بويىنشا جىل سايىن تۋريزم ماۋسىمى باستالعانعا دەيىن جانە اياقتالعاننان كەيىن كەڭەس وتكىزىپ، بۇكىل بولعان كەمشىلىكتەر مەن تالاپ- تىلەكتەردى تالقىلايمىز»، - دەدى «جولاۋشىلار تاسىمالى» ا ق باسشىسى.

كومپانيا بيىل سول وتىنىشتەردى ەسكەرىپ استانادان الاكولگە جۇردەك پويىز شىعارماقشى.

«بىلتىرعى ماۋسىم قورىتىندىسى بويىنشا ءبىزدىڭ تۋريستىك كومپانيالار مەن جولاۋشىلار تاراپىنان استانا قالاسىنان الاكول باعىتىندا «تالگو» پويىزى قاتىناسا دەگەن تىلەك بولعان. بيىل ءبىز سول تىلەكتى ورىندايمىز. جازعى كەزەڭدە استانادلات الاكولگە «تالگو» پويىزى قاتىنايدى. جالپى الاكول باعىتىندا 11 مارشرۋت جوسپارلانعان. استانادان قاتىنايتىن 3 مارشرۋتتىڭ بىرەۋى «تالگو» پويىزى بولادى. الماتىدان قاتىنايتىن 5 مارشرۋتتىڭ ەكەۋى «تالگو» پويىزى بولادى. شىعىس قازاقستان وبلىسىنان 2 پويىز، اباي وبلىسىنان 1 پويىز قاتىنايدى»، - دەدى جانىبەك تايجانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى